موقع سوق كوم من اشهر و افضل مواقع التسوق العربية في مصر و السعودية و الكويت و الإمارات و غيرها من الدول ومن المعروف عن سوق دوت كوم إنه بيقدم خدمة الدفع عند الإستلام و طرق تانية للدفع زي البطاقات الائتمانية بجانب ميزة الإسترجاع المجاني للسلعة لو منطبق عليها شروط الإسترجاع، ومن الحاجات اللي هيقدمهالك كبائع إنك هتقدر تعرض منتجاتك عليه وتكسب بدون اي معاناة منك.
إزاي تبيع بإحتراف على سوق.كوم
سوق.كوم بيسهل عليك البيع من خلاله و عرض منتجك و ده مقابل عمولة تصل إلى 10% في بعض المنتجات، وده بيخلي بعض البائعين يضطروا للزيادة في الأسعار مما يضر احياناً المشتري لكن موقع سوق.كوم بيتفادى ده و بيعرض للمشترى نفس السلعة مقدمة من بائعيين مختلفين بسعر أرخص و المشتري يختار، عشان كدة لازم متزودش سعر المنتج اوي عشان تقدر تنافس باقي البائعين، كل اللي عليك قبل ما تسعر المنتج تدخل تاخد بصة على أسعار نفس المنتج عند المنافسين.
كيفية عرض منتج للبيع على موقع سوق كوم
اولاً عليك إختيار السلع اللي عاوز تعرضها وتحديد القسم اللي بتنتمي له عن طريق الكتابة في شريط البحث الخاص بالموقع أو عن طريق قائمة الفئات على الجنب وهنا قدامك إختيارين :
1-توفر السلعة في كتالوج سوق كوم : وده هيوفر عليك كتير عشان مش هتحتاج كتابة وصف او تفاصيل للسلعة، هتكتب بس السعر و حالة توفر السلعة و العدد المتوفر و هكذا و باقي التفاصيل بيوفرها لك موقع سوق كوم وهيضيفها من خلال كتالوجه.
2- عدم توافر السلعة في كتالوج سوق كوم : اذا كانت السلعة بتاعتك غير متوفره في الكتالوج هنا هتضيفها كسلعة جديدة في الكاتالوج وتضيف الوصف والتفاصيل وتضيف الصور وتسجل باقي بيانات المنتج ومهم تراعي تطابق السلعة مع الوصف وكمان مراعاة التدقيق الإملائي في الكتابة و عرض وصف للسلعة بدون أخطاء املائية و نيجي للنقطة الأهم و هي صورة السلعة حاول قدر الإمكان تكون صور واضحة عالية الجودة لإنها اللي هتشجع المستخدمين على الشراء و تقدر تحمل أكتر من صورة للمنتج الواحد، و سوق.كوم بيوفر دليل للبائعين بيوضح لهم سياسة البيع و كيفية عرض البضائع و الصور .
سياسة موقع سوق.كوم في عرض البضائع و السلع للبائعين
منتجك هيتراجع في 24 ساعة وهيتم قبول عرضه او رفضه لإن الصور غير واضحة او لإن فيه اخطاء املائية أو حاجات غير دي وهتلاقي سبب الرفض متوضحلك، وأنت بتسعر خلي بالك من مصاريف الشحن الخاصة بسوق.
إزاي بتمشي عملية البيع و شحن البضائع من البائع لتصل للمشتري على سوق.كوم ؟
لما حد يطلب منتج هيجيلك اشعار بالبريد الإلكتروني و ينتظر منك الرد كبائع خلال 24 ساعة بتوافر السلعة عندك و لما تتأكد من توافرها في المخزون ساعتها إعمل تأكيد للطلب.
الشروط اللازمة و الأوراق المطلوبة للبيع على موقع سوق.كوم
لازم يكون عندك سلعة تتغلف بطريقة تضمن سلامتها اثناء عملية الشحن عن طريق التغليف بالورق المقوي او البلاستيك الفقاعات ووضعها في علبة كارتونية اكبر شوية من حجمها لضمان سلامتها و تقوم بكتابة وطباعة فاتورة شحن و تنسق مع شركة شحن زي بوسطة واراميكس، وبعدها هيوصلك مندوب الشحن و يستلم الشحنة (السلعة) منك بعد تأكيد طلب توافرها عندك في خلال يوم.
المنتجات الممنوع بيعها على سوق.كوم
- الكحول
- الحيوانات ومنتجات الحيوانات
- الأعمال الفنية المقلدة
- الملابس القديمة
- صرف العملات، النقود المزورة، تجارة النقود.
- يحظر بيع المنتجات الرقمية المحملة عن طريق الإنترنت والتي تشمل “الأكواد” التي تستخدم للدخول على المحتوى في المواقع الأخرى.
- القمار والياناصيب
- المواد الكيميائية والمنتجات الخطرة
تعليقات
إرسال تعليق