اعرف ازاي تدير المنتجات على الفيس بوك شوب
الحماس لازم يكون ملازمك في كل مرحلة، يعني مينفعش تبقى متحمس للفكرة وتبتدي فعلياً وتعمل متجر وتعرف المكان اللي هتجيب منه منتجات وتنشرها وبعدين تبطل تتابع او تهتم، إنت لازم عشان تكسب تسعى وتتابع بشكل مستمر.
إدارة المنتجات على الفيس بوك شوب
- بمجرد ما أضفت عدد معين من المنتجات، هـيظهروا في قائمة داخل لوحة إدارة متجرك، للوصول ليها دوس على أدوات النشر.
- وبعدها اضغط على منتجات من القايمة الجانبية ومنها تقدر تعدل كل منتج من منتجاتك او تضيف منتجات جديدة.
- لما تضغط على أدوات النشر في أقسام الصفحة وبعدها انتظار أوامر الموجود تحت شوب في القايمة الجانبية، هتقدر منه تدير طلباتك، وتعرف كل تفاصيلها، والإطلاع على معلومات المشترين، والتواصل معاهم، وتنفيذ الأوردر، بالإضافة لكده Facebook هيبعتلك إشعار وقت لما يجي لك أوردر.
- عشان متنساش حسب قواعد Facebook لازم تشحن كل أوردر خلال ثلاثة أيام عمل بعد طلب الأوردر، دوس على( اضف علامة – تم الشحن) عشان تقفل الأوردر.
أسئلة وأجوبة
هنحاول نجاوبلك على أهم الأسئلة اللي بتدورفي ذهنك ومش لاقي ليها إجابة :
ايه متطلبات الصورة اللي هتحطها للمنتج على صفحة متجر Facebook ؟
= أفضل دليل هو تعليمات الفيس بوك نفسه في النقطة دي عشان المتطلبات بتتغير في بعض الأحيان.
ليه عملائي مايقدروش يشتروا منتجات متعددة في سلة تسوق واحدة ؟
= ده ممكن لو عندك موقع الكتروني مربوط بالشوب وفيه الخاصية دي وتبقى موجودة ف اختيارات الدفع كذلك.
ايه هي المنتجات اللي ما أقدرش أبيعها على صفحة متجر Facebook ؟
= الفيس بوك عنده قائمة العناصر المحظورة فيها بعض المنتجات اللي محتاجة وصفات طبية والأسلحة والحيوانات والكحول وأي شيء يحض على التمييز، بالإضافة إلى إنك، تقدر بس تبيع المنتجات المادية الملموسة يعني، يعني ماتقدرش تبيع منتجات رقمية أو حاجات تتحمل وهكذا.
ليه رؤية متجري مش متاحة لبعض الناس؟
= ده ممكن يبقى لسببين:
- متجرك غير متاح في بلاد تانية غير دولتك.
- إعدادات الصفحة نفسها اللي عليها المتجر مش كاملة أو معمولة غلط، وتقدر تصلحها بإنك تروح للإعدادات على صفحتك وتتأكد من إن إختيار رؤية الصفحة متفعل.
هل لازم أضيف منتجاتي يدويًا ؟
= ده بيعتمد على عاملين هما:
- لو عملت إعداد صفحة التسوق الخاصة بيك عبر أداة تجارة إلكترونية خارجية زي Shopify or Big Commerce لازم تعمل مزامنة كل شيء تلقائياً يعني ربط متجرك ومزامنة جميع المنتجات مع صفحة Facebook Shop
- لو عملت إعداد صفحة Shop بتاعتك يدوياً، لازم تستمر في إضافة منتجاتك يدوياً ونفس الموضوع لأي تحديث خاص بيهم (السعر والتوافر والأوصاف).
ايه هي أنواع المحتوى اللي بتحقق تفاعل على الفيس بوك ؟
= الصور والفيديوهات، الأسئلة، الإنفوجرافيك، تشويق المتابعين، المقولات، التريندات، إنك تحكي عن منتجاتك في شكل قصة، المحتوى المرئي مهم على الفيس بوك وبيبدأ من لوجو متجرك الموجود على الصفحة حاول يكون لوجو معبرعن اللي بتبيعه وتقدر تعمله مجاناً من خلال مواقع كتير زي:
Crello
Picmonkey
Befunky
Snappa
fotojet
بعد ما عملت الخطة الشهرية اللي هتمشي عليها ممكن تجدولها في اوقات معينة بحيث تتنشر من تلقاء نفسها، ومتقعدش تنشر كل يوم وتتعب نفسك، بس هنا لازم يكون الوقت بتاع البوستات مناسب ومتوافق مع وقت الجمهور المستهدف، يعني لو كان المنتج بيستهدف الناس اللي بتشتغل حاول يكون بعد ساعات العمل بتاعتهم، عشان يكونوا ساعتها متواجدين على السوشيال ميديا ويقدروا يشوفوا الإعلان بتاعك.
تعليقات
إرسال تعليق