طبعاً عارف القهاوي وعارف الناس الكتير اللي بتتجمع فيها، اهو جروبات الفيس بوك زي القهوة بالضبط، وبالتالي هتقدر تستفاد من التجمعات الكبيرة دي وتروج لمنتجاتك وتبيع، عشان كدة هنعرفك النهاردة ازاي تبتدي وتعمل جروب.
طريقة إنشاء جروب على الفيس بوك
1- افتح قائمة إنشاء جروب
سجّل الدخول لصفحة الفيس بوك بتاعتك، واضغط على رمز أكثر، في أقصى شمال شريط القوائم أسفل صورة الغلاف ، واختار إنشاء مجموعة.
2 – اختار اسم للجروب
يكون الإسم سهل التعرف عليه، ويكون مرتبط بنشاطك التجاري، وتقدر تنشئ مجموعات كتيرة لو بتبيع أنواع منتجات مختلفة.
3 – دعوة الناس
لو رايح حفلة مش هتحب تروح متلاقيش حد، كذلك الموضوع على جروب الفيس بوك ابعت دعوة للأصدقاء والمهتمين عشان ينضموا للجروب.
وطبعاً المشاركين الأكثر نشاطًا على صفحتك على الفيس بوك، خلي دعوتك مختلفة بتحديد أسباب دعوتهم للمجموعة، وإزاي هيحققوا الإستفادة من المشاركة.
4 – حدد مستوى الخصوصية للجروب
فيه ثلاثة خيارات للخصوصية (عامة أو مغلقة أو سرية)
- الجروب العام
مرئي للجميع، ويمكن لأي شخص الإنضمام من غير موافقة، وبتكون جميع مشاركات الأعضاء مرئية بالكامل لكل مستخدمي الفيس بوك.
- الجروب المغلق
بتكون المشاركات مرئية فقط للأعضاء، فبيعمل شعور بالمشاركة الحصرية فى مجتمع المستخدمين، بيظهر الجروب في عمليات البحث على الفيس بوك، ولازم تتم الموافقة على جميع طلبات العضوية الجديدة من عضو حالي أو مسؤول الجروب.
- الجروب السري
بيقدم نفس خصوصية المشاركة كمجموعة مغلقة، ولكن فيه خصوصية أعلى.
5 – لمسة شخصية على الجروب
محتاج دلوقتي يبقى فيه روح لجروب الفيس بوك الخاص بنشاطك التجاري، عن طريق صورة غلاف تعبر عن هدف المجموعة، ضيف (الوصف) يعني سبب إنشاء الجروب، ومعلومات الوصف دي بتبقى مرئية للجمهور، ضيف المواقع لو كان الجروب مرتبط بمنطقة جغرافية معينة (أو عدة مناطق).
6 – ابدأ بالنشر
ابتدي انشر وشجع أصحابك وموظفينك والموجودين على النشر بمجرد ما تبدأ، لإن ده هيزيد التفاعل بشكل تدريجي.
نصايح للتسويق على جروبات الفيس بوك
الإنتشار بإستمرار
انشر بشكل مستمر وفي اوقات ثابته عشان الجمهور يتعود يستناك، وكمان كل ما كنت بتنشر اكتر كل ما هتقدر تجمع جمهور اكبر، بس مش معنى كدة إنك تفضل تنشر كل دقيقة، لازم تراعي الكم وتخليه مناسب عشان الجمهور ما يزهقش منك.
خليك مسيطر
خلي تعليمات الجروب واضحة في الوصف أو في مكان تاني مميز (زي البوست المثبت) عشان يفهم الكل ايه المقبول واللي غير كده، مش محتاج قواعد صارمة أوي، ولكن حدد توقعاتك بطريقة يقدر الجميع يفهمها.
حاول الأستفادة من الأفكار المطروحة
بعد وصول الجروب لـ 250 عضوًا أو أكثر، هتوصل لـ آراء وأفكار مختلفة، هتعرفك أكتر بوستات عليها تفاعل، والأوقات اللي بتحقق أفضل تفاعل بين الأعضاء، التحليلات دي هتساعدك في تحسين إستراتيجية نشاطك التجاري على الفيس بوك على مدار الوقت، عشان تقدر تركز على أفضل النتايج.
الإهتمام برأي الأعضاء
الجروب قايم بالأعضاء واللي من غيرهم يبقى ملهوش اي لازمة يعني لازم تسمع رأيهم وتاخد بيه.
أطلب من الاعضاء مشاركة الجروب
طالما عندهم إحساس إنهم في مكان مفيد فأطلب منهم ده بحيث الجروب يكبر ويكون الأعضاء الجداد مهتمين باللي بتقدمه في نفس الوقت.
تعليقات
إرسال تعليق