عشان توصل لأكبر عدد ممكن من الجمهور المستهدف هتحتاج تعمل إعلانات ممولة، ومش معنى إنك عملت إعلان يبقى هيجيلك بيع، ده لازم يكون إعلان صح واللي عمله حد بيفهم ودارس السوق ودارس خبايا الإعلانات وعارف ايه هو أفضل إستهداف وأفضل وقت هيظهر فيه الإعلان وكمان قادر يحدد ميزانية مناسبة وحاجات تانية كتير هنعرفها في المقال ده.
الإستهداف في الفيس بوك
الفيس بوك فيه خيارات كتير لتطبيق الإستهداف اللي يناسبك في الإعلانات ومن ضمن الحاجات اللي لازم تعرفها كويس هي :
- الجمهور المخصص
- الموقع الجغرافي
- العمر
- الجنس
- اللغة
- الإهتمامات
- الإستهداف الديموغرافي (السكاني)
- السلوكيات
- المواضع أو مكان ظهور الإعلان
- العلاقات Connections
- نوع الأجهزة المحمولة ونظام التشغيل
- المتصلين على شبكة الواي فاي من عدمها
هناخد دلوقتي كل نقطة من النقط اللي فوق ونتكلم عنهم بشكل أوسع شوية :
الجمهور المخصص
لوعندك قائمة من الزباين والبريد الإلكتروني لكل واحد منهم، ممكن تعيد إستهدافهم على الفيس بوك عبر حاجة اسمها الجمهور المخصص Custom Audience
الموقع الجغرافي
من خلال الإعتماد على الموقع الجغرافي ممكن تحدد البلد اللي عاوز توصل إعلاناتك ليها، او ممكن تختار دولة كاملة، ولاية، مدينة، أحياء أو حتى الرمز البريدي، يعني هتقدر توصل للجمهور الموجود في مكان معيّن بكل دقة.
العمر
بيعتبر من الخطوات المهمة واللي لازم تحددها بشكل صحيح وممكن تستهدف الأعمار من 13-65 سنة.
الجنس
عاوز مين يشوف إعلانك ؟ الذكور ولا الإناث ولا الإتنين ؟ وطبعاً ده بيتحدد وفق لطبيعة المنتج
اللغة
حد بيستخدم الفيس بوك باللغة الإنجليزية وحد تاني بالألمانية وعاوز تستهدفهم بإعلانك المكتوب باللغة العربية ؟ طبعاً حاجة غلط لازم تحدد اللغة المناسبة للجمهور المستهدف بالضبط وعشان تقدر تعرفها لازم تبقى عارف مين هو جمهورك اصلاً، ومن مميزات الفيس بوك إنه بيدعم كل اللغات الموجودة بالعالم.
الإهتمامات
إستهداف اهتمامات محددة بعينها مش معناه انك استهدفت بالفعل المهتمين بالضبط، على سبيل المثال لو كان الهدف من إعلانك الوصول للشباب اللي بيهتموا بشامبو كلير وعندهم الرغبة بشراءه، فلو ضفت اهتمام شامبو كلير في القائمة كدة هيوصل للناس المهتمة بيه بس ؟ طبعاً لا، لأن القائمة ممكن تضم ناس غير مهتمين.
الإستهداف الديموجرافي (السكاني)
ممكن توصل للجمهور بناء على التعليم، التوظيف، الأشخاص المعالين بالمنزل، وتفاصيل نمط الحياة.
ممكن تستهدف هنا عدد الأولاد المعالين، مثلًا والدين مع أبناء تتراوح أعمارهم بين 18-26 عام، وممكن تستهدف الأشخاص بناء على حالتهم الاجتماعية، متزوج، مطلق او غير كدة.
السلوكيات
إمكانية الوصول للأشخاص بناء على سلوك الشراء أو النوايا، نوع الجهاز المحمول، وحتى التوجّهات السياسية، واكتر من كدة كمان.
المواضع أو أماكن ظهور الإعلان
يوجد عدة أماكن ممكن تظهر فيها إعلاناتك بالفيس بوك، زى التغذية الإخبارية News Feed في الفيس بوك أو الانستجرام، أو في الماسنجر، أو في شبكة الجمهور Audience Network واللى بترتبط بشكل مباشر بالتطبيقات الشريكة للفيس بوك.
العلاقات Connections
ممكن تستهدف الأشخاص اللي معجبين بصفحتك على الفيس بوك، أو أصدقاء الأشخاص اللي معجبين بصفحتك، أو استثناء الأشخاص المعجبين بصفحتك.
نوع الأجهزة المحمولة ونوع ونظام التشغيل
متاح استهداف مستخدمي الأندرويد أو مستخدمي الـ IOS أو الإتنين ، وممكن تحدد مستخدمي نسخة محددة من الأندرويد، وتحديد الهواتف المحمولة بس أو الأجهزة اللوحية Tablets
استهداف متصلي الفيس بوك عبر الواي فاي
من أروع الخيارات المتاحة إمكانية استهداف مستخدمي الفيس بوك اللي بيتصلوا بالإنترنت من خلال الواي فاي باللحظة الفعلية اللي هيظهر لهم فيها الإعلان.
تعليقات
إرسال تعليق