تعرف ايه عن سناب شات ؟
صور بفلاتر و تأثيرات وحاجات ترفيهية كتير، لكن السناب شات مش كدة بس ده قناة تسويقية ممتازة في الخليج تحديداً.
بتنشئ حساب بإستخدام رقم الهاتف الشخصي أو حتى البريد الإلكتروني، المحتوى عليه عبارة عن صور وفيديو أقصى مدة ليها 10 ثواني، وده مع بعض الكلام المكتوب من اختيارك وكمان الوشوش التعبيرية وغيرهم زي التأثيرات
سناب شات بيبث المحتوى مباشرة في الوقت اللي يتم فيه التقاط (صورة – فيديو – نص) وبعدها يتم الحذَف بشكل تلقائي تماماً بعد مرور 24 ساعة.
ليه التسويق على السناب شات ؟
أكتر من 150 مليون مستخدم نشط، و أكثر من 900 مليون سنابة في اليوم، والشباب من الفئات العمرية من سن 18 إلى سن 36 عاماً بيقضوا عليه وقت بشكل متوسط قرب الـ 25 وحتى 30 دقيقة بشكل يومي، يعني لو بتبيع منتجات بتستهدف السن ده في الخليج أنت في المكان الصح.
تسهيلات السناب شات
- على السناب شات، مش متاح تعرف أعداد المتابعين، لكن تقدر تقوم برصد المشاهدات بشكل سهل جداً، ومايقدرش جميع العملاء يشوفوا الآراء الخاصة بالآخرين ولكن اللي بيتم عرضه من طرفك وبس، وبالتالي فيه حرية تامة وأريحية كبيرة.
- تقدر تعمل ستوريز يوميّة وتفاعليّة بشكل مميز مع كل متابعينك تعرض فيها منتجاتك والعروض وكواليس التحضير والتقييمات وهكذا عشان المحتوى الخاص بيك يبقى مشوق أكتر .
- على السناب شات تقدر تقوم بمخاطبة جميع العملاء بالطريقة الودية ، وتخلي جميع الإعلانات الخاصة بيك واقعية تماماً عشان العملاء يحسوا بإنها واقعية ومش مفتعلة بغرض البيع.
إزاي تسوق على موقع سناب شات؟
إهتم بالمحتوى التسويقي الممتع:
لما تكون الصور الخاصة بالمنتج مميزة و مسليّة في الوقت نفسه، هتلاحظ إنجذاب الآلاف من المتابعين من دول مختلفة، هيبدأوا يتعرفوا على منتجاتك بعدها تبدأ مهمتك في لفت انتباههم أكتر وتحويلهم لعملاء فعليين.
شير جميع العروض والتخفيضات عندك:
على الرغم من أن السنابة الواحدة مش بتتعدى الـ 10 ثواني، لكن تقدر خلال الوقت القصير ده تعرض منتجات كتير للجمهور وتتكلم عن عروضك بطريقة تلقائية.
اعمل دعوة لجميع المتابعين عندك يزوروا موقعك
كمان تقدر تعمل دعوة لجميع المتابعين عندك يزوروا موقعك أو متجرك الإلكتروني أو صفحة الفيس بوك بتاعتك أو حسابك على سوق أو جوميا وغيرهم
إعمل عروض حصرية
إعمل عروض حصرية للمتابعين وشجعهم على متابعة منتجاتك، ولو عندك إيفنت إعمل له بث مباشر على الموقع وممكن تعمل دعوات حصرية للعملاء أو المتابعين المميزين
اعرض جميع المسابقات والأخبار:
أهم الصور الرائعة واللي بتكون غالبا ناجحة جداً في استعراض المنتج الخاص بيك لكل الجمهور عندك وطرق استخدامه وكل تطوراته وغيره، ومتنساش تقدم هدايا لأعلى المتفاعلين.
- اكشف للمتابعين ما وراء الكواليس:
فئة الشباب على السناب شات بيحبوا النوع ده من المحتوى ده، كمان ليه دور في تشوقهم أكتر للمنتج وتعزيز الوعي بيه في أذهانهم .
المشاهير
اتواصل مع أشخاص مشهورين مؤثرين وخليهم يظهروا وهما بيستخدموا منتجاتك
الإيفنتات
إحضر إيفنت كل فترة متعلق بمجال منتجاتك، وقوم بنشر بعض من المقاطع دي للجمهور الخاص بيك بين كل وقت والتاني
المقابلات
تقدر كمان تقوم بمقابلة ناس من الرواد المختصين ببيع الموبايلات لو ده مجالك أو المؤثرين في مجال مراجعات الموبايلات على سبيل المثال، أو بعض المشاهير
تعليقات
إرسال تعليق