ايه اول حاجة بنعملها لما بنبقى محتاجين نعرف اي معلومة ؟
بنروح على جوجل ونعمل سيرش، يبقى طبيعي لما العميل يحب يدور على منتج معين هيروح يدور عليه، عشان كدة لازم تبقى عامل إعلانات لمنتجاتك عليه، لإنها بتجيب مبيعات محترمة.
منصة Google ADS بقت مهمة جداً لكل بيزنس، من خلالها تقدر تجذب عدد كبير من العملاء وزيادة مبيعاتك، عن طريق انشاء إعلانات سواء على شبكة البحث او شبكة العرض ومهما كان مجال منتجاتك/شركتك بالتأكيد هتستفيد من إعلانات جوجل.
بس تعمل ايه عشان تستفيد بنسبة 100% منها؟
جوجل عمل نظام اسمه نقاط الجودة لأي اعلان عشان يضمن أفضل اعلان يظهر للجمهور اللي بيستخدم منصة البحث جوجل.
نقاط الجودة هي معيار في إعلانات جوجل من 0 الى 10 بتقيم اعلانك بناءاً على معايير معينة وبتحدد درجة الجودة لإعلانك، عشان يقرر إذا كان اعلانك يستحق الظهور ولا لا على شبكة البحث.
معاير نقاط الجودة
- (Click-Through Rate (CTR
- هل الكلمات المفتاحية المستخدمة في الإعلان لها علاقة بالموضوع والمجال ولا لا.
- جودة الصفحة اللي بيروحلها العميل.
- هل المحتوى على صلة بالكلمات المفتاحية ولا لا.
طرق تحسين نقاط الجودة فى إعلانات جوجل:
1- معرفة جدوى الكلمات المفتاحية قبل استخدامها
مهم قبل اختيار الكلمة المفتاحية، نعرف ليه بيستخدمها الجمهور المستهدف وتقدر تعرف ده عن طريق البحث في جوجل.
على سبيل المثال لما تعمل سيرش بشركة تسويق الكتروني هيظهرلك إعلانات ومواقع شركات.
فده معناه إن اللي بيستخدم الكلمة دي بيدور على شركة في المجال وممكن يبقى عميل محتمل للي شغالين فيه.
2- انشاء مجموعات إعلانية مستهدفة في جوجل
تعتبر المجموعات الإعلانية هي الخطوة الثانية في انشاء إعلانات جوجل و تعتبر أهم خطوة، عشان هتختار فيها الكلمات المفتاحية اللي هتبقى متأكد إن الجمهور لما يعمل بحث عن مجالك هتظهرله شركتك، ولكن لو جمعت كل الكلمات في مجموعة إعلانية واحدة هتكون النتيجة سيئة للغاية زي :
- ارتفاع تكلفة النقرة لكل كلمة.
- نقاط الجودة هتكون ضعيفة جداً.
- نسبة عدد العملاء المحتملين هتقل.
- بنسبة كبيرة مش هيظهر اعلانك.
والحل هو انشاء مجموعات إعلانية مستهدفة في حملة واحدة
3- تحسين الـ landing page
الخطوة دي من أهم الخطوات في تحسين اعلانك على جوجل لإنها الصفحة اللي هيروحلها الجمهور بعد ما يضغط على الإعلان.
حتى لو كان اعلانك بيجذب الإنتباه والصفحة اللاندينج رديئة هيخرج منها الزوار فوراً وده هيقلل من نقاط الجودة، عشان كده مهم تحسين محتوى وسرعة الصفحة المقصودة، عن طريق :
أولاً تحسين المحتوى
لازم يكون المحتوى ليه علاقة بالكلمات المفتاحية ويفضل تكتب محتوى لكل مجموعة إعلانية لو عندك منتجات كتيرة.
ثانياً سرعة صفحة الهبوط
تعتبر سرعة صفحة الهبوط عامل مهم من عوامل تحسين نقاط الجودة في إعلانات جوجل وقياس السرعة ممكن عن طريق الأدوات التالية:
حط لينك الصفحة كوبي بيست وهيعرفك سرعة الصفحة وازاي تحسنها وهيحل جميع المشاكل.
4- انشاء اعلان يجذب الانتباه
ازاي تكتب اعلان يشد الانتباه؟
ركز على منتج واحد، عشان العميل بيحب يلاقي اللي بيدور عليه بسرعة عشان كده لو احترمت وقته وقدمت ليه الإعلان بشكل بسيط هيزيد من احتمالية ان يكون عميلك الفعلي.
وكل ما كان الإعلان مستهدف ومتمركز على خدمة واحدة كل ما زادت نقاط الجودة، كمان مهم استخدام الكلمات المفتاحية في الإعلان عشان كده لازم تعمل مجموعات إعلانية مستهدفة.
5- استخدام Negative keywords
النوع ده هـيمنع ظهور اعلانك للكلمات اللي ملهاش علاقة بمجالك وده معناه تقليل عدد الكليكات اللي ملهاش أهمية، وبالتالي هتتحسن نقاط الجودة الخاصة بإعلانك.
6- استخدام ad extensions
إعلانات جوجل بتسمح لك بإستخدام معلومات إضافية في اعلانك زي:
- عروض
- مميزات شركتك
- رقم تليفونك
- معلومات عن منتجك
والخاصية دي هتساعدك في تحسين جودة اعلانك وجذب العميل للضغط على اعلانك، وده هيحسن من نقاط الجودة عشان توصل لترتيب أفضل في شبكة البحث الخاصة بجوجل.
تعليقات
إرسال تعليق