أنظمة إدارة المحتوى في التجارة الإلكترونية - عشوائيات
أنظمة إدارة المحتوى والمدونات
الأنظمة ممكن من خلالها بناء المواقع الإلكترونية ببساطة وتصميم الواجهات المخصصة بسهولة وسرعة، من غير ما تحتاج لبرمجة الموقع من الصفر، يعني هتوفر عليك وقت ومجهود كبير.
تتوفر أنواع كتير ومختلفة من أنظمة إدارة المحتوى وأنظمة التدوين اللي بتسمح لك بنشر المحتوى على الإنترنت، ودول أشهر أنواع شائعة في المجال :
- WordPress
- Drupal
- Wiki
- Blogger
العوامل اللي بتختار على اساسها نظام ادارة المحتوى
ايه هي منتجاتك؟ ايه اللي عاوز تبيعه في متجرك عبر الإنترنت؟
الإجابة هاتخلي اختيار منصة التجارة الإلكترونية أسهل بكتير، منصات ادارة المحتوى المختلفة فيها معايير مختلفة لبيع المنتجات المادية أو الرقمية ومنتجات غير محدودة، عشان كده في البداية لازم تقرر كذا حاجة :
- نوع منتجاتك رقمية أو مادية.
- عدد المنتجات اللي عاوز تبيعها.
- مدى احتياجك لتتبع المخزون.
- خيارات مواصفات المنتج.
- شحن المنتج.
- هل ليك فروع على الأرض ولا لا.
- لا يُسمح ببيع بعض المنتجات زي الكحول على منصات معينة، عشان كدة لازم تكون عارف بالشروط والأحكام المرتبطة بأي منصة.
خدمات الإستضافة المطلوبة
لازم تقرر لو كان متجرك عبر الإنترنت هيتم استضافته على منصة إدارة أو هتدير خدمات الإستضافة بنفسك.
هتوفر لك الإستضافة لوحدك تحكم أكتر في الموقع، ولكن في نفس الوقت، لازم تضبط المسئوليات المترتبة على كده زي :
- أمن بيانات العملاء
- مواكبة التحديثات
- صيانة الموقع للحفاظ على تشغيله
وبالتالي فالأفضل الإعتماد على منصة ادارة محتوى.
تصميم المتجر: جاهز الصنع أو حسب الطلب
عند اختيار منصة ادارة محتوى، بتبدأ الإختيار من بين اختيارات التصميم المتاحة مجانًا أو شراء الـ Themes الـ Custom.
تسهيلات الـ Integration الموجودة لو بتحتاج أدوات كتير زي :
- نظام حسابات
- التسويق عبر البريد الإلكتروني
- نظام إفيليت
- وسائل التواصل الاجتماعي
- المخزون
- خدمة العملاء
من الأحسن تختار منصة بتوفر الأدوات دي وأي خدمات تانية لإدارة المواقع، وكمان لازم تختار بناء على شغلك والأدوات اللي بتستخدمها بالفعل.
طرق الدفع
مهم تبقى عارف وسائل الدفع اللي بيفضلها عملائك زي فوري أو الكريديت أو غيرهم وتكون المنصة اللي اخترتها بتوفر طرق الدفع دي.
السعر مقابل المميزات المتاحة
خليك واعي في التسعير، التكلفة القليلة للمنصة ممكن تبقى خيارًا جيدًا، ولكن هيقابل ده عدد مميزات قليلة، فمن الأفضل إختيار منصة فيها مميزات كتير عشان هتنفعك بعد كدة.
رسوم خفية
إتأكد من أي رسوم إضافية بتفرضها منصة ادارة المحتوى، وده عشان متتفاجئش بيها بعد كدة.
خصائص أنظمة ادارة محتوى الويب المتميزة
- من الخصائص الأساسية في جميع الأنظمة تقريباً، هي القدرة على وضع المحتوى (المقالات مثلاً) في أقسام.
- اتاحة أدوات التحرير وتسهيل عملية تعديل المحتوى وإضافته.
- المقالة بما فيها مش كتلة واحدة، دي متقسمة إلى عنوان وصور واسم الكاتب وغيرها، عشان لو حبيت تستخدم كل وحدة منفصلة لبناء مقالة جديدة.
- دعم تعدد المستخدمين، فهناك مواقع تتيح عدد معين فقط، اما المواقع المتميزة بتدعم عدد كبير.
- إدارة التعليقات، الجمهور مش بيحب يكون متلقي بس، إنما بيحب يعلق ويقول رأيه، عشان كدة المواقع المميزة بتتيح خاصية التعليق والرد.
- صلاحيات الوصول Access Permissions
لو فيه بعض الصفحات والمقالات في الموقع مش حابب تظهرها للزوار، وعاوز تظهرها للأشخاص المسجلين في الموقع بس، المواقع المتميزة بتقدر تعمل كدة بكل سهولة، على عكس المواقع التقليدية.
تعليقات
إرسال تعليق