اعرف رحلة العميل في الـ Sales Funnel - عشوائيات
تعرف إن اي عميل عشان يشتري منك بيمر عبر رحلة ليها مراحل معينة، وعشان تبقى واعي بكل حاجة بتحصل مع العملاء لازم تبقى عارف وفاهم الخطوات وترتيبها وايه اللي بيحصل فيها، وده اللي هتفهمه في المقال ده.
الإستهداف في الإعلان مهم بس فيه حاجات تانية مهمة:
1- علاقتك مع العميل.
2- طريقة تصميم الإعلان.
3- المكان اللي هيروحله العميل لما يتفاعل مع الإعلان.
علاقتك مع العميل
بتعمل إعلانات على الفيس بوك والربح هو هدفك الرئيسي! ومن غير ما تاخد بالك بعلاقتك مع العميل ؟
هقولك إنك مش هتحقق مبيعات كويسة، لإن كل ما كانت فيه علاقة قوية مع العميل كل ما كان هناك فيه مجال لإرسال عروض للعميل و الحصول علي مبيعات اكتر.
ايه هي الأسباب التي تجعل علاقتك مع العميل قوية ؟
لما بتكون جديد في السوق بتكون غير معروف عند العميل، بيكون مش عارف ايه منتجاتك ومدى مصداقية التعامل معاك والشراء منك، طالما لسه مصنعتش علامة تجارية فالموضوع مش مجرد صور تعرضها على النت هاتجيبلك مبيعات.
الحل هو إضافة قيمة لحياة العميل وتكون حملتك لصالح العميل أكثر ما هي لصالحك وفي نظر العميل تكون المنتجات الخاصة بيك تحل مشكل معقدة عنده و كل ما كانت المشكلة المحلولة كبيرة كل ما كانت نسبة المبيعات كبيرة.
وهنا بييجي دور الـSales Funnel
شكل الفانيل هرمية يعني لو دخل 1000 عميل من الفانيل ممكن يخرج 100 او عشرة علي حسب طبيعة الفانيل او تأثيرها علي العملاء.
مرحلة الـ awareness
العميل مايعرفش عنك اي شيء و شايف إعلانك للمرة الأولي وبطبيعة الحال لو كان مهتم بمجال منتجاتك هيكون سبق و شاف مجموعة من الإعلانات عن منتجات مشابهة وهيدخل في دائرة المقارنة بينك و بين الإعلانات السابقة او المنتجات اللي سبق و شافها وبالتالي في الحالة دي بنتكلم عن جماهير باردة Cold audiences
بمعني تاني جماهير بتشاهد اعلاناتنا بدون مبالاة أو بتمر عليها مرور الكرام عشان كده اهم حاجة في المرحلة دي إن الجمهور يبدي اهتمام ويعجب بالإعلان.
و لتقوية العلاقة مع العميل لازم تكون فيه نقط التقاء او نقط مشتركة بينك و بين العميل بعيداً تماماً عن العلاقات المادية او الربحية واسمها Customer Touch Points
هنا فيه العديد من أشكال الـ Touch Points
1- محتوي مميز:
لازم يكون المحتوي رائع جذاب يعرّف بفوائد المنتج من غير إظهار نية البيع او إرغام العميل علي الشراء
2- كوبونات وتخفيضات.
3- دعوات وهدايا.
4- خدمة عملاء (مميزة).
5- متابعات عبر التليفون .
بطبيعة الحال تختلف نقط التواصل دي من مجال الي آخر و حسب طبيعة منتجاتك وطبيعة العملاء لكن يفضل الهدف واحد و مشترك هو تقديم قيمة مضافة لحياة العميل وحل بعض مشاكله و كسب رضاه.
المرحلة الثانية Interest
محتاج فيها تفيد العميل بحاجة جديدة ممكن تكون عروض مجانية او تخفيضات او كود لكوبون او قسائم مجانية او تحميل كتب او كورسات زي ما تختار.
مهم في المرحلة دي تقدم له عرض ما صادفوش قبل كده مقابل انه يقوم بترك الإيميل الخاص به و تقوم بإرسال عرضك المجاني ليه، في المرحلة دي هتكون بتجمع كنز تسويقي متمثل في داتا وبيانات العملاء المهتمين بمنتجاتك وتقدر تستخدمها في الـ Lookalike Audience والـ Custom Audience
المرحلة الثالثة Decision
هتبقى خلاص وصلت لعملاء مخلصين ليك و بيانات حقيقية لأشخاص مهتمين.
في المرحلة دي العميل لديه قابلية كبيرة للشراء من موقعك أو صفحتك عشان الكم المحترم من المعلومات اللي وصلتله منك و أصبح على دراية تامة بمنتجاتك لكنه لسه في نقاش داخلي، هل شراء المنتج هيشكل فارق في حياته ؟ هل يستحق المبلغ المطلوب ؟
هل يوجد ارخص منه عند حد تاني ؟ هل هناك موقع بيقدم منتج بجودة رائعة و اقل تكلفة؟
وقت المقارنة يجي دورك بإقناع العميل بالشراء و تسريع عملية الشراء بمساعدته في الإختيار و الإتجاه الي المرحلة الرابعة.
المرحلة الرابعة Action
بيتم فيها عملية الشراء و تحقيق الأرباح، اعتماد Sales Funnel كمفهوم تسويقي يعتبر طريقة مربحة و نسبة نجاحه بتكون اكبر من نسبة الخسارة بس ده بيعتمد على المهارة و الإحترافية بعيداً عن الطرق التسويقية العشوائية اللي ممكن تستنزف فلوسك بدون فايدة
تعليقات
إرسال تعليق