شرحنا في المقال اللي فات اي هي وظائف المدير، وهنكمل في المقالة دي باقي الوظائف اللي بتخص تشغيل المتجر، وكمان اهم الإستراتيجيات اللي هتساعدك تنجح.
ممثل خدمة عملاء:
من ضمن مهامه، الرد على المكالمات، او الإستفسارات عن طريق الإيميلات، بس لو الموقع كبير، هتحتاج مجموعة موظفين لكل حاجة من دول، ومن الحاجات المهمة واللي لازم يعملها الموظفين إنهم يتصلوا بالعملاء للتأكد من وصول الطلبية وتقييم الموقع.
مسوّق الكتروني:
لو كان مدير المتجر مش محترف اوي، هتحتاج مسوق إلكتروني يساعده.
مسئول جرد المنتجات:
الجرد مهم للتأكد من عدد المنتجات الموجودة، والمرتجعة والمطلوب تبقى متوفرة.
مدير إداري:
يستلم تقارير الجرد ويتأكد من صحة الأرقام، يتابع تقييم الموقع، يتعاقد مع شركة شحن، وغيرها من المهام الإدارية.
محاسب ومسئول مالي:
يتأكد من استمرار المكسب للموقع، يشترك في التسعير، تقسيم المرتبات والميزانية للأقسام.
مطوّر للموقع:
للإهتمام بالموقع، زي إضافة خاصية جديدة، أو حذف خاصية معينّة، والدعم الفني في حالة عطل برمجي معيّن.
مدير أنظمة:
يبقى مسئول عن السيرفر اللي موجود عليه استضافة الموقع.
ديزاينر:
عشان يحققلك لمسة البراند التسويقية، ويضبط مقاسات الصور اللي مفروض تترفع على الموقع.
باحث:
محتاج شخص يبحث عن أفضل منتج مباع وعن احتمالية بيع المنتجات الموجودة لكل فترة، أو موسم.
استراتيجيات النجاح في إدارة متجرك الإلكتروني
فيه مجموعة كبيرة من الأسس والإستراتيجيات اللي بتساعدك تبقى مدير متجر ناجح وقادر توصل بمؤسستك أو متجرك الإلكتروني إلى نتائج غير مسبوقة.
وضع أهداف واستراتيجيات واضحة لعملك
الإدارة الناجحة بتبدأ من وضع أهداف محددة وخطط واستراتيجيات واضحة للشغل، خطط العمل لابد وأن تبقى على المستويين، خطط طويلة الأجل وخطط النجاح قصيرة الأجل.
اختيار الكفاءات
الدور الأهم والأخطر في الإدارة الناجحة هو حُسن اختيار الكفاءات اللي تقدر فعلاً تنفذ الخطط الموضوعة مسبقًا عشان تحقيق الأهداف.
التواصل المستمر مع المرؤوسين
بعد إختيار الكفاءات المناسبة لخطط العمل والأهداف يجي الدور على الطرق أو الإستراتيجيات اللي لازم تتبعها، واحدة من أهم تلك الطرق والإستراتيجيات هي ضرورة التواصل المستمر مع المرؤوسين، عشان تعرف كل جديد بيحصل في سير العمل، بالإضافة لمتابعة تنفيذ خطط العمل الموضوعة من عدمه، فالتواصل بشكل مستمر مع المرؤوسين واحد من الطرق المثمرة في الوصول بشكل فعال لأهداف العمل.
الإستماع للشكاوى والإقتراحات
الإستماع لشكاوى واقتراحات الموظفين أو المرؤوسين ضمن أهم استراتيجيات التعاون المثمر في طريق تحقيق أهداف المتجر وتنفيذ خطط العمل، فواحدة من أبرز مسئوليات ومهام المدير الناجح هي إنه يكون قريب من فريقه بشكل فعال يسمع مشاكلهم وكذلك اقتراحاتهم.
لمعرفة التحديات اللي بتواجه سير العمل بشكل سلس، وبالتالي حل المشاكل دي قبل تفاقهما بشكل يصعّب التعامل معاها، وكمان الإستماع إلى اقتراحات الفريق في تطوير المتجر وتحسين الأداء.
التشجيع على التعلم والتطوير
واجب أصيل على أي إدارة ناجحة أو عاوزة النجاح إنها تقوم بشكل مستمر بدعم وتشجيع موظفيها على التعلم والتطوير من مهاراتهم، وكذلك توفير كافة الإمكانات اللي بتساعدهم على التطور ده، واللي بيصب في نهاية المطاف في مصلحة المتجر وخدمة أهدافه.
وده بيحصل من خلال توفير دورات تدريبية ليهم بشكل مستمر، لتطوير مهاراتهم في البيع والتسويق للمنتجات والتعامل مع العملاء وغيرها من المهام والوظائف والمهارات الخاصة بإدارة المتجر الإلكتروني.
احترام فريق العمل وتحفيزهم بشكل مستمر
التحفيز المستمر لفريق العمل داخل أي مؤسسة أو شركة أو حتى متجر إلكتروني أو موقع بيع عبر الإنترنت، واحد من الأعمال والمهام الضرورية اللي لابد يقوم بيها أي مدير ناجح أو بيدور على النجاح بشكل فعال.
والتحفيز للموظفين بيكون عن طريق العلاوات والمكافآت والهدايا العينية أو المعنوية، وتقدير أي إضافة ناجحة وفعالة يحققها أي حد منهم، لإن ده بيشجعهم على حب العمل والتفاني فيه، وفي النهاية تحقيق أهداف العمل والنجاح بشكل عام.
ارباح المتاجر الإلكترونية
مصاريف الشحن تعتبر مصدر رائع لزيادة الإيرادات، من أكثر من جهة ، سواء عن طريق الإستفادة من فرق تكلفة الشحن الفعلية لصالحك، أو زيادة المبيعات بسبب الشحن.
الحد الأدنى للشحن
العميل ممكن يشتري كتاب تمنه 15$، أو جراب موبايل تمنه 10$، ويطلب شحن المنتج لحد البيت ولكن أنت اللي بتحدد القواعد، بلغ العميل أن أقل قيمة لشحنة من المشتريات هي 25$ في الحالة دي هيضطر العميل لشراء منتج تاني عشان يوصل إلى الحد الأدنى من المشتريات المحققة لاختيار الشحن.
تعليقات
إرسال تعليق