كيفية إدارة المتجر الإلكتروني - عشوائيات
عشان تتأكد إن المتجر الإلكتروني اللي هتعمله هيجيب لك مبيعات كويسة وهيحقق الهدف اللي انت عاوزه، لازم تبقى مختار مدير كويس وبيمتلك مهارات معينة، لإنه هيكون الأساس، وهو اللي بيترتب عليه كل حاجة، في المقال ده هتعرف ايه هي مسؤولياته وايه الصفات اللي المفروض تتوفر فيه.
مسؤوليات مدير المتجر الإلكتروني :
اتخاذ جميع القرارات اللي بتخص متجره والإشراف على حسابات وسائل التواصل الإجتماعي ومتابعة الحملات الإعلانية بالإضافة إلى انه هيكون المسؤول الأول عن عملية البحث عن منتجات جديدة ووضع الخطط الإستراتيجية زي التوظيف وإدارة المخزون.
1- مظهر وتصميم المتجر :
من المهم مراعاة شكل وتصميم الواجهة اللي بيتم عرضها على المستخدمين لأنها عامل جذب كبير للعملاء وتقدر من خلالها تحقق أفضل تجربة إستخدام ليهم.
2- البحث والتطوير :
مهم ليك كمدير متجر متابعة التطورات الجديدة في عالم التسويق الإلكتروني وتطبيقها على متجرك لإنك من خلال البحث والتطوير تقدر تكسب عملاء جدد عن طريق استهدافهم بتحقيق احتياجاتهم اللي بيدوروا عليها، وده مع الإستمرار في محافظتك على عملائك الحاليين .
3- الإدارة والتوظيف والتدريب :
تتم عن طريق تقسيم المهام بين الموظفين وتقييم ادائهم، وتوظيف عناصر جديدة تمتلك الخبرات اللازمة لإدارة المتجر الإلكتروني عشان تحقق الإستفادة من خبراتهم الموجودة، كمان لازم تدرب كافة الموظفين بما يتماشى مع عملية التسويق الإلكتروني .
4- الإدارة المالية والتخطيط ووضع الميزانيات :
وضع اقتراحات الميزانية السنوية بما يتوافق مع رؤية الشركة العامة/المتجر، ولازم تكون هناك خطط مقسمة على حسب الميزانية منها الخطط المالية لتفعيل الحملات الإعلانية اللي بتضمن تحقيق الأهداف الدعائية وتعزيز هوية المتجر كذلك الصورة الذهنية عند الشرائح المستهدفة من العملاء .
ايه المهارات اللي مهم تبقى عند مدير التجارة الالكترونية :
مدير المتجر الإلكتروني لازم يبقى شخص مُنظم، معتمد على تحليل البيانات والأرقام في اتخاذ القرارات اللي من شأنها تنجح المتجر وتجيب الأرباح منه، لابد يكون عنده خبرة تقنية متوسطة إلى عالية يقدر من خلالها يعمل عدة اعمال إذا تطلب الأمر وفي نفس الوقت، ويعملهم بطريقة ممتازة، يكون بيقدر يحل المشكلات بطريقة علمية صحيحة تضمن له استمرار عمله بشكل مرتب وعلى خطى متينة وثابتة، ويبتعد عن الإرتجالية في القرارات، كمان يكون ليه القدرة على إدارة فريق العمل بتوزيع المهام الصحيحة بناءً على مهاراتهم.
المرونة :
اللي بيشتغل في مجال التجارة الإلكترونية لازم يكون عنده القدرة على التعامل مع الأحداث الغير متوقعة، بالإضافة إلى العمل لساعات طويلة في جميع المواسم والظروف لإن السوق ممكن يتغير بطريقة سريعة وعشان كده المرونة في أداء العمل مهمة بما يتناسب مع سرعة التحول اللي بتحصل من وقت للتاني.
التواصل :
تكون عنده القدرة على التواصل بفعالية مع أعضاء الفريق ومع العملاء ايضاً عشان يشرح لهم الأهداف والخطط المستقبلية، وبالتفاصيل دي يقدر يبني الولاء وبالتالي كسب أعضاء الفريق وعملائه في وقت واحد.
الإحترافية والمهنية :
يعني الإشراف على كل قسم والفريق اللي جوه القسم ده، والحديث مع العملاء ومقابلة المصممين والمبرمجين وغيرهم، وعند حدوث بعض المفاجآت تكون عنده الخلفية الشاملة لحل المشكلة من واقع تعامله السابق مع جميع التخصصات وعشان كده لازم يكون شخص بيتمتع بالإحترافية والمهنية.
المعرفة بالتقنية :
لازم مدير التجارة الإلكترونية يكون بيمتلك مهارة تقنية عالية تخليه يدير بالكفاءة المطلوبة، ومن المهارات دي التعامل مع بعض برامج الـ office وأهمها الاكسيل، وقواعد البيانات والتحليل المالي والتصميم وفهم طريقة عمل محركات البحث والتسويق الإلكتروني.
تعليقات
إرسال تعليق