ازاى تجيب منتجات من الصين ؟
اول ما بنسمع كلمة الصين بيجي على بالنا ايه ؟
إنها أكبر دولة بتنتج منتجات ملهاش آخر، يعني حتى اللي انت شايفه تافهة هتلاقي ليه منتج، لإن فيه ناس تانية بتشوف المنتجات دي مش تافهة وبتشوفها مهمة جداً وبتشتريها، وعشان كدة من أفضل الأماكن اللي ممكن تجيب منها منتجات جديدة ومبتكرة وتعجب الجمهور هي الصين، عشان كدة هنعرفك النهاردة ازاي تجيب منها
في البداية هتكون محتاج تعرف هتحدد تكلفة المنتج ازاي عشان في بنود هتزيد ودي العوامل اللي تحدد
١- قيمة المنتج
٢- قيمة الشهادات (جودة – صحة – تبخير) أو غيرها من الشهادات مع تكلفة توثيقها لو فيه
(٣- قيمة الشحن الدولي (الجوي – البحري – البري
٤- مصاريف التفريغ وإذن التسليم
٥- مصاريف العرض علي الجهات الرقابية لو السلعة محتاجة ده
٦- قيمة الضريبة الجمركية وضريبة المبيعات
٧- العمولات البنكية المتعلقة بالتحويل ونموذج 4، أو الإعتماد المستندي في حالة الدفع عن طريقه
٨- قيمة الشحن المحلي
٩- أتعاب المخلص الجمركي
١٠- المصاريف الإدارية
١١- مصاريف إرسال المستندات الخاصة بالشحنة بالبريد الممتاز وفي الغالب لازم المُصدر يدفع التكاليف دي مش المستورد
( مثال توضيحي )
حد بيستورد أجهزة كهربائية منزلية من الصين بقيمة 3000 دولار، بحجم حاوية عشرين قدم، فبعد سؤال شركات الشحن لقى ثمن الشحن البحري إلي ميناء الوصول 1700 دولار
واتصل بالمخلص الجمركي عشان يعرف قيمة الضرائب طلعت 10% ضريبة مبيعات و 10% ضريبة جمركية وبتتحسب بالشكل ده (3000 × 10 ÷ 100 = 300 دولار (ضريبة مبيعات) والضريبة الجمركية بتتحسب كده (3300 (قيمة المنتج وضريبة المبيعات معا) × 10 ÷ 100 = 330 دولار (ضريبة جمركية)، وأتعاب المخلص 100 دولار، والمنتج ده مش محتاج عرض على الجهات الرقابية فبالتالي مفيش مصاريف عرض
تمت الصفقة والمستورد سلم المبلغ بحوالة بنكية مقدمة فكانت مصاريف التحويل بنسبة ثلاثة دولارات لكل ألف 9 دولارات، وتم استخراج نموذج 4 بقيمة 100 دولار.
واحتاج المنتج شهادة جودة بقيمة 300 دولار من البلد المصدر، اتشحنت الحاوية ولما وصلت إلي ميناء الوصول اتفرغت في اليوم التالي لوصولها، فالمخلص سحب إذن التسليم ودفع مصاريف التفريغ والتخزين 300 دولار
وبعد ما المخلص الجمركي أنهى الإجراءات دفع بعض المصاريف الإدارية والكشف بالأشعة علي الحاوية 50 دولار، واتعاقد علي شاحنة للنقل الداخلي بقيمة 200 دولار، فالإجمالي كالآتي
3000 (قيمة المنتج) + 1700 (شحن دولي) + 300 (ضريبة مبيعات) + 330 (ضريبة جمركية) + 300 (شهادة جودة) + 300 (تفريغ وإذن تسليم) + 100 (اتعاب مخلص) + 109 (مصاريف بنك) + 50 (مصاريف إدارية) + 200 (نقل داخلي) = 6389 دولار × سعر العملة المحلية مقابل الدولار مثلا 5 جنيه أو ريال أو دينار = 44,723 (التكلفة كاملة حتي المخزن) بعدها نضيف مصاريف التنزيل عند المخازن زي ما تكون
نصائح مهمة قبل ما تمضي اي عقد :
- متدفعش كل فلوس الطلبية قبل الإستلام بس لو مضطر ادفع جزء مُقدم ميزدش عن 20%.
- متمضيش على اي عقود الإ لما تتأكد إن كل البنود اللي فيه صح وإن فيه كل مواصفات المنتج اللي إنت عاوزه ولا ازيد ولا اققل عشان لو حصل حاجة غلط يكون الرجوع للعقد كإثبات لحقك.
- حط في العقد غرامة تأخير لإن حاجة زي دي هتلزم الشركة اللي هتصدرلك إنها تبعت المنتجات في الوقت المحدد عشان متدفعش اي غرامات.
متطلبات وشروط الاستيراد من الصين :
- حدد المنتجات اللي عاوز تشتريها واعرف مواصفاتها بالضبط.
- اعرف متطلبات السوق بتاعك ايه وهات بضاعة متوافقة معاه، بحيث تقدر تبيعها بسهولة، وكمان شوف اسعار البضاعة في بلدك الأول اي اخبارها يمكن تلاقيها اقل من سعر البضاعة اللي هتشتريه من برة وتدفعله شحن ومصاريف كتير.
- اعرف القوانين الجمركية كويس قبل ماتقرر تشتري عشان تبقى في السليم ومتعملش اي حاجة مخالفة.
- اعرف المنتج اللي هتشتريه هيروح فين بعد ما يجيلك من برة، هل فيه مكان لتخزينه ؟ هل تعرف ناس هتوزع ليها بسهولة ؟ ولا هيتركن عندك وتبقى خسرت فلوسك ؟
- حاول لما تيجي تستورد من الصين تجيب بضاعة بكمية معقولة لإنك مش كل يوم هتستورد.
أفضل بضاعة مربحة من الصين
الأرز والأطعمة :
عندك بلاد افريقية بيوصل عددها لـ 200 مليون شخص، الأعداد دي هتشتري اي اكل تقريباً لإنهم مش بيقدروا يكفوا إحتياجاتهم الغذائية
اللبس :
بيعتبر من السلع الأساسية اللي دايماً بيكون عليها الطلب، وكمان اللبس اللي من الصين بيفضله شعوب افريقيا، لإن جودته مناسبة وفي نفس الوقت سعره كويس
العربيات والموتوسيكلات :
النشاط ده دايماً في تقدم واي حد بيدخل فيه بيكسب، سواء لو هيبيع عربيات جديدة او قطع غيار للعربيات او الفيزبا وغيرها من وسائل النقل
تعليقات
إرسال تعليق