مش لازم تلتزم بمكان واحد تبيع فيه وليكن الفيس بوك، إنت لازم تجرب كل التطبيقات والمواقع اللي مناسبة ليك ومتسبش منهم ولا واحد، وده عشان تضمن إنك هتحقق إنتشار وبيع عالي، عكس لو كنت بتنشر في مكان واحد.
ايه هو اوليكس
هي بوابة إلكترونية مخصصة للبيع والشراء عبر الأنترنت في الشرق الأوسط، بتقدم خدماتها في: السعودية، مصر، عمان، قطر، الكويت وشمال افريقيا، بشكل مجاني وبدون عمولة.
مميزات البيع على أوليكس هي:
- تقدر تعدل إعلانك أو تحذفه بعد النشر
- الإعلان عليه مجاني
- تواصل سهل بين البايع والمشتري
- تقدر تبيع أي حاجة مستعملة مسموح بيها على أوليكس
- فيه خدمة إعلانية مدفوعة عليه وطبعاً بمميزات أكتر
- ليه تطبيق موبايل على جوجل بلاي
- أقسام متنوعة
- اختيارات بحث تسهل عليك العملية
- عدد زوار ضخم للموقع
كيفية التسجيل على اوليكس
- روح على صفحة تسجيل الدخول
- اضغط على حسابي واعمل حساب جديد
- سجل بياناتك ودوس “أنشئ”
- روح على إيميلك واضغط على لينك تفعيل حسابك الموجود في الميل اللي وصلك من أوليكس
حاجات ممكن توقف حسابك
– تعمل أكتر من حساب
– تعلن عن منتجات وهمية
– تنشر نفس الإعلان كذا مرة
– تعرض معلومات وصور لسلعة غير اللي عاوز تبيعها فعلاً
هتبيع عليه إزاي؟
- روح على شمال الموقع فوق ودوس “أضف إعلان مجاناً”
- اقرأ شروط الموقع كويس عشان الإعلان ما يترفضش.
- اكتب بيانات الإعلان مع عنوان يشد وحدد تصنيفه واكتب وصف يوضح مميزات المنتج وضيف صوره واتأكد من دقة بياناتك الشخصية ومعلومات التواصل وشوف الإعلان قبل نشره عشان تتأكد من كل التفاصيل
- بعدها انتظر الموافقة عليه وهيتم عرضه على الموقع
تجيب مشاهدات لإعلانك إزاي؟
- عنوان مميز وصور واضحة للمنتجات اللي بتبيعها.
- وصف يشد الناس ويخليهم يحبوا يشتروه، وحاول تذكر كل مميزات المنتج حتى لو بسيطة.
- راجع الإيميل بإستمرار عشان ممكن الموقع يبعتلك وتوصل في الـ spam.
- ماتعليش في الأسعار جامد، ممكن يكون السعر اللي انت حاطه كبير بالمقارنة بإعلانات تانية لنفس المنتج وبالتالي محدش هيقرب للمنتج. بتاعك، عشان كدة حاول تقارن أسعار إعلانك بالإعلانات اللي شبهه على الموقع، عشان لو لاقيت السعر اللي انت طالبه عالي قلله ولو لاقيت السعر اللي انت طالبه قليل، يبقى لازم تعرف إنك كنت مسعر غلط ومقلل من قيمة المنتج بتاعك، وساعتها هتبتدي تسعره تاني عشان يكون في نفس رينج باقي الأسعار او حتى قريب منهم لدرجة كبيرة.
- بيانات التواصل خليها متنوعة وخاصة الموبايل عشان الناس بتفضل التعامل من خلاله.
- ممكن تشترك في ميزة الإعلانات المميزة ودي بتخلى إعلانك يفضل ثابت ضمن أول اربع إعلانات على كل صفحات القسم المنشور عليه الإعلان طول فترة الخدمة لكن الإعلان مش بيفضل ثابت في الصفحة الأولي لكنه بيتحرك بين صفحات القسم بشكل عشؤائي و كأن الإعلان بيدور علي المستخدمين اللي موجودين علي الموقع علشان يظهر لأكبر عدد ممكن من المشترين.
- اشترك في خدمة جدد إعلانك واللي هتساعدك تعيد نشر اعلانك في اول القسم المنشور عليه كل يوم حسب مدة الباقة تلقائياً بالضغط علي جدد اعلاني ، الخدمة دي بتشتغل بعد 24 ساعة من تاريخ الشراء و بيتم تجديد الإعلان تلقائياً في نفس الميعاد اللي تم فيه شراء الخدمة.
تعليقات
إرسال تعليق