 |
| اعرف ازاي تسوق عن طريق الإيميلات - عشوائيات |
رغم إن Email Marketing او التسويق عن طريق الإيميل بينتمي للمدرسة القديمة في التسويق، وبعض من المسوقين فاكرين إن تأثيره بقى ضعيف!
لكنه في الحقيقة لسه واحد من أقوي وأهم أنواع التسويق الإلكتروني وبيكمل باقي الأدوات، في الحقيقة الـ Email Marketing هيستمر كعنصر تسويقي مهم ومش هايبقى مُستهلك، عشان كل شيء بيحصل علي الإنترنت مرتبط بشكل او بأخر بالبريد الالكتروني، فهو وسيلة الإتصال الرسمية الأولي والأهم علي الإنترنت
ايه هو Email Marketing؟
- هو واحد من أقدم وأفضل إستراتيجيات التسويق علي الإنترنت، يعتمد علي التواصل بين متجرك والعملاء المحتملين ليه.
- هو وسيلة تسويقية بتخليك تبعت رسائل تسويقية لمستخدمين زاروا موقعك/صفحتك قبل كده.
عشان تفهم أهمية التسويق عبر البريد الإلكتروني افتح الميل بتاعك، هتلاقي رسائل من فيس بوك، بتقولك عندك طلبات صداقة جديدة وفيها رابط لفتح حسابك، ورسائل من أحد المتاجر الإلكترونية، بتقولك فيه منتجات مناسبة ليك، في الحقيقة مفيش بيزنس قوي علي الإنترنت مش
بيستخدم ال Email Marketing.
مراحل التسويق عن طريق الإيميل
بناء النظام
الـ Email Marketing ليه طبيعة خاصة، مختلفة نوعاً ما عن باقي أنواع التسويق.
هناك نظام او System لازم تبنيه في الأول عشان تبدأ عملية التسويق عن طريق الإيميل، وده بيتكون من بعض العناصر وهي:
الإشتراك في واحدة من خدمات الإيميل ماركتنج
وهي عبارة عن خدمات لإدارة الموضوع بشكل كامل، من خلالها بيتم تخزين وحفظ بيانات المشتركين في القائمة البريدية (الإسم – البريد الإلكتروني..الخ)
ومن خلالها بيتم إرسال رسائل للمشتركين بصورة تلقائية حسب اختيارك.
تجهيز استمارة تصطاد بيها بيانات المستخدمين
أنواعها كتير، فمنها اللي بيظهر كنافذة منبثقة فوق محتوي الموقع، ومنها بيكون على يمين او شمال محتوي الموقع، وممكن تبقى من خلال عملية التسجيل بالموقع.
(مثلاً) عملية فتح حساب فيس بوك بتحتاج منك الإسم والإيميل، فبيتم استخدام البيانات دي في إرسال ايميلات ليك، من غير التسجيل في استمارة منفصلة.
ربط استمارة الإشتراك في قائمة الإيميلات بخدمة Email Marketing
من خلال كود بيتم وضعه بالموقع وبيقوم بعملية نقل البيانات، عملية برمجية بس مش صعبة وممكن لغير المبرمجين انجازها.
إبدأ إبعت رسايل لعملائك
مش يدوي دي هاتضبطها من الإعدادات الخاصة بالآداة اللي بتستخدمها في بعت الإيميلات، ومن هنا بتيجي أهمية إنك تستخدم حاجة تديرلك الموضوع.
فمثلاً تقدر تضبط رسالة ترحيب للمشتركين الجدد في القائمة البريدية، وبعدها تجهز رسائل تسويقية اسبوعية للمستخدمين او شهرية او كل 15 يوم، وده مش كل حاجه لإن فيه اعدادات متقدمة أكتر اللي من خلالها ممكن تصنف مشتركي القائمة البريدية، وإرسال رسائل خاصة ليهم حسب تصنيفهم ده.
أهمية زوار Email Marketing
ليه زوار الإيميل ليهم أهمية خاصة ؟ الإجابة ببساطة بتتلخص في الطريقة اللي بيتم جمع القائمة البريدية من خلالها.
عشان الزائر بيقوم بالإشتراك في القائمة البريدية بكل إرادته، وهو متوقع إن يجيله إيميلات فيها عروض جديدة أو رسائل تسويقية هي بالأساس في حيز اهتمامه.
محتاج إيه عشان تبدأ Email Marketing ؟
عشان تدخل عالم الـ Email Marketing محتاج يبقى عندك قائمة بريدية خاصة بيك، وده بيتحقق بطريقتين يإما تشتري قائمة بريدية، أو تبني قائمة بريدية بنفسك.
فيه مخاطر لازم تكون عارفها في حالة قررت شراء قائمة بريدية، منها على سبيل المثال:
هتدفع مبلغ كبير، عشان كدة من الأفضل تعملها بنفسك.
صعوبة في إيجاد المصدر المناسب لشراء قائمة بريدية.
- بالإضافة لإنك ممكن تشتري قائمة بريدية، وتكتشف بعد كده أنها غير مناسبة للهدف بتاعك.
- سر نجاح الإيميل ماركتنج بيعتمد علي الثقة، ففي الغالب مستخدمي الإنترنت مابيفتحوش الرسائل المرسلة من مواقع مجهولة ليهم. وبالتالي فرصتك في تحقيق نتائج من القوائم المشتراه ضعيفة
طرق صنع قائمتك البريدية
- في حالة إمتلاكك موقع، ففي هذه الحالة خلي استمارة الإشتراك في القائمة البريدية في مكان واضح، وبالإضافة لكده لازم تحفز الزوار على الإشتراك في قائمتك البريدية، زي إنك تمنحهم كتاب مجاني مثلاً، وده اسمه النشرات الإخبارية او (newsletter).ولو بتشتري الزوار من مصادر خارجية مدفوعة، لازم تعمل (Landing Page) وهي عبارة عن صفحة وسيطة بين مصدر الزوار المباشر وبين صفحة منتجك، ولازم يبقى عندك سبب مقنع للزائر عشان يشترك في قائمتك البريدية، زي الكتاب المجاني ، أو تخلي الإشتراك في القائمة البريدية خطوة لابد من عملها عشان يوصل لصفحة المنتج.
أهم مواقع بتقدم خدمات Email Marketing
زي ما قولنا، إن وظيفة مقدمي خدمات الإيميل ماركتنج بتشمل عمل نظام كامل لتسجيل وحفظ بيانات المشتركين، وكذلك ضبط وإدارة نظام ارسال الرسائل بصورة تلقائية.
فيه شركات كتير بتقدم الخدمة، بنظم دفع مختلفة، ولكن اغلبها بيعتمد في نظام الدفع علي حجم القائمة البريدية.
وهنا هاجمّع لك قايمة صغيرة فيها اهم واشهر مقدمي خدمة Email Marketing
مميزات التسويق عن طريق الاميل
1- سهولة ضبط الأداوت اللي تقدر من خلالها تكون قائمتك البريدية.
إشترك بس في واحدة من المواقع اللي بتقدم خدمة تسويق الإيميل، وضيف كود الموقع ده في موقعك أو اللاندينج بيدج بتاعتك، وإبدأ في جمع قائمتك البريدية.
2- التكلفة البسيطة مقارنة بالفوائد اللي ممكن جنيها من خلاله.
كل ما عليك هو الدفع للموقع اللي بيقدم خدمة تسويق الإيميل، مع إستخدام نفس الزوار اللي عندك وهتلاقي فوائد مضاعفة من كده.
3- القابلية لقياس النتائج بدقة
تقدر تتراك النتائج بسهولة، من حيث نسبة اللي قاموا بفتح الإيميل من إجمالي المستقبلين له، وعدد اللي قاموا بالضغط على اللينك الموجود في الرسالة، وذلك من خلال المواقع المقدمة لخدمات Email Marketing.
4-لمسة شخصية في التعامل مع العميل.
بمعنى إنك تقدر تصيغ رسالة تظهر وكأنها شخصية وموجهة لكل عميل على حده، لإن خدمات الإيميل ماركتنج بتسمح لك بوضع إسم العميل في بداية الرسالة، فهي في المقام الأول رسالة شخصية بتوصل على الإيميل الشخصي الخاص بالعميل، وده اللي بيخلي الإيميل ماركتنج نوع فعال جداً من أنواع التسويق.
5- الإستهداف الجيد
يعتبر من أفضل انواع التسويق من حيث الإستهداف.
تعليقات
إرسال تعليق