ازاي تستخدم الـ Email Marketing في مجال التسويق - عشوائيات
عرفنا إن الإيميل ماركتنج من الأدوات اللي لازم تستخدمها في مجال التجارة الإلكترونية عشان تحقق مبيعات كبيرة، والنهاردة هنقولك على معلومات مهمة هتساعدك تبتدي صح :
إزاي تجمع البريد الإلكتروني للعملاء في المتجر الإلكتروني؟
من أسهل الخطوات، فطبيعة المتجر الإلكتروني كسوق بتستثير الفضول عند الزوار في المتابعة، يعني مش محتاج مجهود كبير لإقناع الزوار بالإشتراك في قائمتك البريدية.
ممكن مثلاً تقنعه بقسيمة خصم، عرض خاص، إصدار منتج معين مستنيه الجميع (المئات كانوا في قوائم الإنتظار لهاتف ايفون 7)، لو منتجاتك رقمية (كتب إلكترونية، برامج) ممكن نسخة مجانية محدودة، أو فرصة لتجربة المنتج لفترة محدودة مقابل إعطاءك بريده الإلكتروني.
القائمة الذهبية من العملاء
هي أسهل القوائم في البناء، وأكثرها ثراءًا وتأثيرًا في القيمة، المقصود بالقائمة الذهبية هي القائمة البريدية اللي بتضم عملاء قاموا بالشراء بالفعل من المتجر قبل كده، مفيش جهد في جمع بياناتهم، فالعميل لما يقرر الشراء، لازم يقوم بالتسجيل، وبالتالي بيديك بياناته برغبته وبعدين تضمها في القائمة الذهبية، المهم تخلي خطوات التسجيل سهلة وقصيرة عشان العميل مايزهقش.
قوة القائمة جاية من كونها لعملاء اتخذوا قرار الشراء من متجرك، وطالما عملوا الخطوة أول مرة، هايكرروها لوأحسنت استغلال القائمة، وفضلت محافظ على جودة منتجاتك.
طريقة تحقيق مبيعات آلية من خلال الـ Autoresponder
ايه هو الـ Autoresponder؟
هو مجموعة من الرسائل البريدية بيتم إعدادها مسبقًا، وتغذية لوحة التحكم بيها، وبيتم إرسالها لكل مشترك جديد فور اشتراكه بشكل تلقائي منتظم (رسالة ترحيب في البداية، رابط الهدية في حالة تواجد هدية أو عرض خاص، رسالة فيها معلومات قيمة بعد يومين، رسالة فيها أحدث العروض الخاصة بعد 4 أيام، رسالة تحفيزية للشراء قبل نفاذ الكمية بعد 6 أيام، رسالة فيها تحذير لآخر ميعاد للحاق بالعروض الخاصة قبل نفاذ الكمية، … الخ)..
عشان كده بمجرد اشتراك المستخدم في قائمتك البريدية بيتم وضعه على مسار بيع مخصوص Sales Funnel شغال بشكل آلي تمامًا من غير أي تدخل منك، انت بس بتجهزه أول مرة وخلاص.
كل اللي هتعمله سلسلة معينة من الرسائل البريدية المخصصة للعميل المستهدف، وإرفاقها بمحتوى قيّم، ومجموعة من العروض الخاصة، وتسجلها في الـ Autoresponder، وتستريح وأنت بتراقب النتائج.
إزاي تحقق أعلى فعالية من حملة البريد الإلكتروني؟
أولاً: التخصيص
لو متجرك بيعرض مجموعة مختلفة من المنتجات وده الأغلب فهتحتاج تخصيص القائمة البريدية بتاعتك، يعني عمل أكثر من قائمة بريدية بناءًا على اهتمامات كل فئة من العملاء.
فلو بتبيع ملابس، فممكن يبقى أفضل تخلي قائمة للرجال، وأخرى للنساء والأطفال (غالبًا الأم هي التي بتأخد قرار الشراء للأبناء).
لو بتبيع كتب، من الأفضل تعرض على المشترك استماره تستنتج منه عن طريقها المواضيع اللي بيهتم بيها، وتخليه في قائمة بريدية خاصة بإهتماماته (الروايات، التطوير الذاتي، المبيعات، … الخ).
ومع كل قائمة هتقوم بإرسال سلسلة مختلفة من الإيميلات تجتذب فيها العميل لإتخاذ قرار الشراء بشكل سلس وذكي.
التخصيص هيوفر عليك الكثير من الجهد والمال في التسويق من خلال البريد الإلكتروني، كذلك ما تنساش إن تبدأ الرسالة بإسمه الأول عشان تديله المزيد من التخصيص في النداء.
ثانيًا: لغة العواطف بتنجح دايمًا
الدراسات التي قام بها مارتن لندستروم وعرضها في كتابه Buy-ology أثبتت أن الإنسان مش بيشتري بعقله الواعي، ولا بشكل منطقي، ولكن بتحرك عواطفه ومشاعره.
السنه كلها مناسبات ممكن تلعب عليها وتربطها بمنتجك بشكل عاطفي وفيه مشاعر، فلو كنت تبيع منتجات للأطفال، تقدر تنشر مشاعر الإهتمام والرعاية للأبوين عشان تقنعهم بمنتجك.
لو بتبيع موبايلات بث إحساس السعادة اللي هيحسه مستخدم الموبايل لما يقتنيه، لو هتبيع كتاب، إتكلم عن أراء العملاء فيه، وإيه القيمة اللي أضافها ليهم، لو بتبيع منتجات منزلية، يبقى إحساس الراحة وتوفير الجهد اللي بيحققه استخدام الأجهزة دي.
ثالثًا: كلمة عن اللي اشتروا المنتج اللي هو عاوزه
يقول دومينك جيتنز Dominic Gettins في كتابة الرائع How To Write Great Copy إن من أبلغ الوسائل في الخطاب البيعي هي استثارة حسد العميل في شراء اللي اشتراه الآخرون.
تعليقات
إرسال تعليق