التسويق العكسي: لا تدعو العميل إلى الشراء منك! | عشوائيات

 

ازاي تعمل إعلان فيس بوك ناجح - عشوائيات

مش اي حد عمل إعلان فيس بوك هينجح وهيكسر الدنيا، ده فيه تريكات وحاجات لازم تتعمل الأول عشان الهدف يتحقق بالحرف وأكتر كمان.

أغلب اللي شغال إعلانات فيس بوك لما بيقرر يعدل أو يطور في نتائج الإعلانات دماغه بتروح لزيادة الميزانية لكن مش ده الحل الأمثل 

زيادة إنفاق إعلانك بدون اتخاذ الإحتياطات الصحيحة غالبًا هينتج عنه صرف فلوس كتير بدون فايدة، عشان كدة هنقولك النهاردة على نصايح لو عملت بيهم هتحقق حملات إعلانية مبهرة.

• تـ Scale الـ Lookalike Audience:

لو ماتعرفش إيه هو الجمهور المشابه لفيس بوك، فهو في الأساس تكرار لجمهور تم تجهيز اهتماماته وسلوكياته الشرائية قبل كده، أو جمهور لصفحة موجودة فعلاً.

ممكن يكون قائمة من عملائك، أو ببساطة زوار موقعك، ومحتاج تزودهم، الفيس بوك بيستلم الداتا دي وبيدور في معلوماته الحالية عشان يلاقي عدد أكبر من الأشخاص المتشابهين.

وأنت بتعمل Lookalike Audience، تقدر تكون من نسبة 1٪ حتى 10٪ مشابه ليه، وده معناه النسبة المئوية للسكان اللي بتستهدفهم والأقرب لجمهورك المخصص.

عشان كده لو عملت Lookalike يشبه 1٪ من عملائك في القاهرة مثلاً، هايكون الجمهور الجديد ده أقرب بنسبة 1٪ من سكان القاهرة إلى عملائك.

مع زيادة النسبة المئوية ، بيزيد حجم الجمهور ، ولكنك هتبعد عن التطابق مع سمات جمهورك المخصص.

• ممكن نزود أعداد الجمهور في قائمة الـ Saved Audience

الجمهور المحفوظ هو جمهور مبني على استهداف الـ Facebook ، وبيبقى متضمن الخصائص الديموغرافية والسلوكيات والإهتمامات لتكوين ملفات تعريف إعلانية للناس على الفيس بوك.

لو استهداف جمهورك المخصص والمشابه مبقاش يجيب نتائج، الـ Saved Audience ممكن تكون طريقة رائعة للوصول للعميل المستهدف.

بس هنا خلي بالك من حاجة، مقارنةً بالجمهور المخصص والمشابه ، فمعدلات التحويل هاتبقى أقل في استهداف الـ Saved Audience.

عشان الجماهير المخصصة تعرف مين أنت واحتمالات التحويل بالتالي هتكون أعلى، لإنه بيتم إنشاءها من الجماهير المعروفة وبنظام محاكاة لجمهورك الأساسي أو عملائك.

والعكس، فالجماهير المحفوظة ما هما إلا أشخاص في دائرة الإهتمام الديموغرافي لمنتجاتك مش أكتر، أو ليهم نفس السلوكيات أو الإهتمامات المختارة، مش عارفينك ومش شرط إنهم يكونوا العميل المثالي ليك.

ومع ذلك ،الجماهير المحفوظة طريقة رائعة للتنقيب والوصول إلى عملاء جدد محتملين.

للوصول إلى الأشخاص بشكل أكثر كفاءة من خلال إعلانات Facebook، هاتحتاج زيادة حجم الجماهير المحفوظة عندك بحيث يكون لديك المزيد من المستخدمين تنقص وتزود فيهم شوية وتخفض التكلفة لكل ألف ظهور.

فيه طريقتان كويسين عشان تعمل كده:

• زيادة المدى الديموغرافي:

لو كنت عاوز تقسم لخصائص ديموغرافية محددة (على سبيل المثال: استهداف الأعمار من 24 إلى 35 فقط ، للذكور فقط ، إلخ) ، فحاول تختبر زيادة الفئة العمرية أو تضمين الذكور والإناث، ده معناه المزيد من المستخدمين.

• إضافة شرائح من الجمهور

لنفترض أنك بتفتح جيم في كاليفورنيا، وعاوز تعلن عن افتتاح خاص كبير، لو كنت بتستهدف جمهور “اللياقة البدنية” بس، فهاتلاقي 35000 شخص لإستهدافهم، ولكن لو ضفت تمرينًا بدنيًا وتدريبًا قويًا وجماهير مدرب مشهور، تقدر تزود العدد إلى 43000، وده جمهور محتمل أكبر بنسبة 23٪ داخل المنطقة المستهدفة! عشان كده مهم دائمًا البحث عن شريحة من الجماهير ذات الصلة زيادة على الجماهير المحفوظة عند توسيع نطاق استهداف إعلانات Facebook.

• تخصيص جمهور إضافي:

ببساطة جمهور خارج دائرة الإستهداف الصميمة بس في أي وقت ممكن يتحول ضمن جمهورك المثالي المستهدف.

بالتطبيق على مثال صاحب الجيم مكن تكون بداية استهدافك:

ذكور / إناث، من سن 18-65 +، مقيمين في كاليفورنيا، مهتمين باللياقة البدنية والتمارين البدنية وتدريبات القوة والمدربين الشخصيين، وده جابلك 43000 شخص تستهدفهم.

عشان تكون استهداف لجمهور إضافي في الحالة دي ممكن يكون الجمهور الإضافي المحتمل ليك بشكل جيد من:

 الأشخاص المهتمين بـ “الأنظمة الغذائية الصحية والأغذية الصحية / الأورجانيك”.

السوق الأساسي الخاص بيك هو الأشخاص المحبين لممارسة الرياضة، ولكن فيه فرصة جيدة أن يهتم الأشخاص الحريصين على نظامهم الغذائي باللياقة البدنية، بإختصار الجمهور الإضافي ليه اهتمامات متداخلة ممكن تساعدك على توسيع مدى وصولك.