(6 مليار ساعة) ده إجمالي الوقت اللي بيقضيه الأشخاص في مشاهدة مقاطع الفيديو على YouTube كل شهر، وهو كمان تاني أكتر محركات البحث شعبية في العالم ، وثالث أشهر موقع ويب بعد Google و Facebook.
الكلام ده بالنسبة للأعمال التجارية، معناه فرص كبيرة للربح.
هتحتاج ايه عشان تبدأ تبيع عليه؟
الموضوع مش مكلف اوي ومش صعب، كل اللي عليك يكون معاك الأدوات دي :
- الكاميرا: اختار شيئًا قادر على تصوير 720p على الأقل.
- ميكروفون: للميكروفون الجيد تأثير كبير على جودة الفيديو.
- حامل ثلاثي القوائم: لو مش بتستخدم كاميرا الويب، هتحتاج إلى حامل ثلاثي القوائم لتثبيت الكاميرا.
- الخلفية: ممكن تستخدم خلفية ملونة وخلي الفيديو ليه طابع إحترافي بتغيير الخلفية التقليدية.
- برنامج تعديل الفيديو: عشان ترتب وتضبط المقاطع بتاعتك كلها جمب بعض ولو حابب تحذف جزء او تضيف موسيقى.
دليل من 5 خطوات للبيع على موقع يوتيوب
إنشاء مقاطع فيديو
هتبتدي تختار المواضيع اللي حابب تتكلم عنها وممكن تاخد ده من استفسارت العملاء على صفحتك، وممكن تتكلم عن مميزات المنتج بالتفصيل في فيديو وهكذا، في الأول هتحس الموضوع صعب عشان هتبقى قدام الكاميرا، بس بعد كدة كل ده هيروح.
2 – عرض عملية التجهيز/التحضير:
مقاطع الفيديو “خلف الكواليس” بتحقق أداء جيد على YouTube ، خاصةً لو كنت بتصنع منتجك الخاص بنفسك.
3- إنشاء محتوى ذو قيمة متعلق بمنتجاتك :
لازم يكون المحتوى بتاع الفيديو ليه هدف واضح، وهو تسليط الضوء على المشاكل اللي بتقابل العملاء، وازاي المنتج بتاعك هيحلها، ممكن كمان تقدم محتوى ترفيهي عشان تكسر الملل، وتقدم محتوى توعوي او تعليمي خاص بأي حاجة مرتبطة بمجالك.
4 – ميزة قصص المستخدم :
تطلع الجمهور اللي استخدم المنتج يتكلم ويحكي عن تجربته.
5 – شير تقييمات العملاء
القناة مش للمحتوى بتاعك بس انشر التقييمات اللي عملها ناس تانية عن المنتج بتاعك وياسلام لو مشاهير، وهتلاقيها من خلال البحث عن اسم منتجك على YouTube بس من المهم إنك تستأذن الشخص اللي عمل الفيديو على إستخدامه.
نصائح عشان تبيع بشكل كويس على يوتيوب
التفاعل مع المتابعين:
حاول ترد على استفسارات المتابعين اللي بتبقى تحت كل فيديو، لإنك لو فضلت تهملها كتير مش هتلاقي حد يتفاعل او يعلق تاني، وهيبقى صعب ترجعهم وتخليهم يحبوا يتفاعلوا معاك تاني.
الإستثمار في YouTube SEO:
YouTube هو ثاني أكبر محرك بحث في العالم ومسيطر على عمليات البحث على Google ، لإن الفيديو بيظهر في 55٪ من نتائج البحث، وبيمثل YouTube 82% من النتايج دي.
وللحصول على نتايج سريعة إعمل النصايح دي :
- استخدم الكلمات المفتاحية الرئيسية اللي بتحقق أداء أعلى في ظهور نتايج الفيديو
- اكتب وصف للفيديو متوافق مع محركات البحث، اتأكد من إضافة ما لا يقل عن 200 كلمة من المحتوى الغني بالكلمات الرئيسية المفتاحية في الوصف.
- ألقي نظرة على عوامل تصنيف وأولوية الظهور الخاصة باليوتيوب للفيديوهات، زي الجودة وعدد المشاهدات وغيره.
التسويق خارج يوتيوب
لازم تنشر الفيديوهات اللي هتعملها على يوتيوب في مواقع تانية زي المدونات او فيس بوك، عشان تشجع الناس تشوف الفيديو والقناة ويعملوا سبسكرايب لو الموضوع عجبهم.
بعض الإستراتيجيات اللي ممكن تستخدامها عشان تعمل كدة
- راسل صفحات Facebook وحسابات Twitter اللي في مجالك واطلب منهم مشاركة مقاطع الفيديو الخاصة بيك.
- بالنسبة للمحتوى المرتبط بالكلمات الرئيسية، اطلب من الأشخاص اللي بيعملوا محتوى مكتوب بس عن نفس الموضوع بتاعك، مشاركة الفيديو الخاص بيك في المحتوى الخاص بيهم.
- ضيف لينك قناة الـ YouTube على فواتير المنتج وتغليفه.
- انشر الفيديوهات بتاعتك على المنتديات والمواقع الإلكترونية المتخصصة.
تعليقات
إرسال تعليق