كيف تكتب عرض عمل | عشوائيات

 لما بتشوف فيديو بيسوق لمنتج بيقنعك ولا لا؟

بنسبة كبيرة هتبقى إجابتك اه، خاصة لو الفيديو متنفذ كويس والمنتج جيد وأنت مهتم بيه، وده عشان الفيديو بيضفي حيوية على الحاجة اللي بيتم تسويقها كمان إنه بيكون أقرب لأذهان الناس وبيتفاعلوا معاه وبيقدروا يشوفوا مميزاته بشكل أوضح عن الصوراللي بتتسم بالجماد.

ازاي تستفاد من الفيديوهات في مجال تجارتك ؟

هتعرف دلوقتي بسهولة عن طريق قصة جيريمي :

جيريمي بيشتغل على تصميم مواقع الويب وتسويق المنتجات على الإنترنت من 1998، وبيحب تدريس تصميم الويب في الكلية، وتصميم الرسوم البيانية، ودروس التسويق.

لما زادت اختيارات وإمكانيات تنفيذ الفيديوهات على الإنترنت، عرف إن دي حاجة هتفيده جداً، فعمل شركة XTrain ، وهي شركة تدريب قائمة على الفيديو، ولما ظهر YouTube في عام 2005 ، بدأ جيريمي في استخدامه على طول.

عارفين النتيجة كانت ايه ؟

جيرمي بقى حد مشهور جداً وبيكسب مبالغ مهولة، عشان كدة إنت كمان لو اهتميت بالفيديو هتوصل لمكانه كويسة جداً سواء على المستوى المادي او مستوى ارتقاء وإنتشار البراند.

مفاهيم خاطئة حول البيع بالفيديو

• الفيديو عصاية سحرية :

بعد ما ساعد جيريمي العميل على إنشاء إعلان رائع أو إستراتيجية فيديو رائعة، فأول شيء هيسأله العميل غالبًا هو “ليه مفيش مبيعات ضخمة؟”  جيريمي لازم يوضح إن مفيش عصايا سحرية للمبيعات، الموضوع محتاج وقت.

لإن قبل ما ينقل الأشخاص علاقتهم بعلامتك التجارية إلى المستوى التالي ويبتدوا يشتروا، محتاجين يشوفوا علامتك التجارية من 7 إلى 20 مرة ، سواء كانت بريدًا إلكترونيًا أو موقعك على الويب أو إعلانات وسائل التواصل الاجتماعي.

• الصور بتأثر نفس تأثير الفيديوهات :

  يعتقد جيريمي أن الفيديو أفضل من الصور للبيع عبر الإنترنت، إذا كانت الصورة تساوي ألف كلمة ، فما قيمة الفيديو؟ النص والصور رائعة ، لكن الفيديو عنده القدرة الأكبر على إظهار العاطفة، يعني هيساعد عرض منتجك أو خدمتك بالفيديو على بيعه بشكل أفضل من أي نوع تسويق تاني ماعدا التواصل المباشر.

• عدد المشاهدات العالية دليل على النجاح :

فيه اعتقاد خاطئ كمان هو أن الكثير من المشاهدات معناها نجاح الفيديو الخاص بيك لإن الموضوع بيتقاس بتأثيره على معدلات تحويل العملاء المحتملين لعملاء حقيقيين مش بعدد المشاهدات.

معلومات مهمة

• سواء كان الفيديو الخاص بيك على Facebook أو YouTube أو Instagram، لازم تكون الثواني الخمس الأولى من الفيديو مشوقة، سيث غودين بيقول عليه مفهوم Purple cow مفاده إنك حتى لو عملت فيديو جيد أو رائع ، فالإحتمالات هي إن معظم الناس مش هيشوفوه، لإن يبلغ متوسط ​​مدة مشاهدة فيديو Facebook ست ثوانٍ ، عشان كده معندكش غير ثواني قليلة للفت إنتباة الجمهور وتشجيعهم على مواصلة المشاهدة.
• حاول تلعب على العاطفة، سواء كان الضحك أو الحزن أو النوستالجيا، لإن دي الحاجات اللي بتجيب مع الناس.
• بعد لما تلفت الإنتباه بشكل مبني على العاطفة إلعب على المشكلة اللي عند الجمهور المستهدف بتاعك وإزاي منتجاتك تقدر تساعد فيها وإنها الحل، ركز على الفوايد وتسهيلات الدفع والشحن والتوصيل والسعر المناسب بس ماتوضحش السعر في الفيديو عشان تقدر تستخدمه في أي وقت بعد كده.
• مقاطع فيديو المبيعات تتراوح عادةً من 30 ثانية إلى 5 دقائق.
• ابدأ بإعلانات الفيديو اللي بتوضح الفوائد وأسباب الشراء، ثم بعد كام يوم وبعدها لو ماشتراش حد، اعرض عروض محددة زي (إذا اشتريت الآن ، يمكنك توفير 23٪).
• مهم تتابع أنواع الفيديو الأكثر تأثيراً على جمهورك وتقدر تنفذ بإمكانيات معقولة من الموبايل مباشرة تصور بيه الفيديو.
• لازم تخلي صوت الفيديو يطلع واضح ونقي وكمان الصورة ميبقاش فيها ظلال وتبقى إضاءتها كويسة، لإن الناس عمرها ما هتحب تتفرج على فيديو مش ممتع للعين ولا واضح للأذن.