 |
| تعرف على أنواع تكاليف الإعلان الممول - عشوائيات |
فيه 3 أنواع من التكاليف اللي ممكن نستخدمها في الإعلانات الممولة أونلاين، عشان تحقق عائد جيد على الإستثمار لازم تكون عارفهم كلهم عشان تختار اللي هيخدم شغلك أكتر من التاني.
أنواع التكاليف اللي ممكن صرفها على الإعلان الممول ضمن الحملة التسويقية :
التكلفة لقاء الألف انطباع Cost per Thousand Impressions
مبلغ بتدفعه مقابل ألف مشاهدة لإعلانك، النوع ده من التكلفة بيستخدم لتحقيق الشهرة والسمعة للعلامة التجارية، يُنصَح بيه للشركات متوسطة وكبيرة الحجم، بإعتبار أنه عندها استراتيجيات واضحة وفريق عمل متخصص في مجال الإعلانات والإعلام ومستعد جداً ومُدرَّب.
التكلفة مقابل النقرة Cost per Click
هو النموذج الأكثر انتشاراً وبيُستخدم في الحملات الإعلانية على الشبكة الإعلانية Display في جوجل، بيدفع صاحب الإعلان مبلغاً معيناً مقابل كل ضغطة على الإعلان، بمعنى تاني لو عملت إعلان ممول عشان تجيب زيارات إلى موقعك الإلكتروني، كل مرة يضغط فيها الزائر على الشريط الإعلاني أو الـ banner، بتدفع المبلغ المحدد على الضغطة، وهو نوع مناسب جداً للجديد في استخدام أسلوب الإعلان الممول لإنه سهل وبسيط وممكن التحكم فيه.
التكلفة لقاء الاقتناء Cost per Acquisition
او Cost per Action أو اختصاراً CPA، حسب النوع ده من التكلفة، تدفع بس لما تحقق هدفك النهائي اللي حددته للزبون المتوقع، يعني لما المستخدم أو الزائر ينفذ الإجراء اللي حددته ليه: قد يكون الشراء، تحميل مادة تعليمية، التسجيل في موقعك…وغيره
رغم إن مخاطرها منخفضة، إلا أنها الاستراتيجية الأكثر تكلفة بين الأنواع الثلاثة اللي شرحناها، ويُنصَح بيها لرواد الأعمال اللي عاوزين يحققوا أرباح عالية مناسبة للمبلغ العالي اللي استثمروه
هنقولك على شوية نصايح لازم تاخد بالك منها دلوقتي :
إعمل الإعلان بشكل منظم
في المرحلة دي، هتطبّق اللي خططت له لكن قبلها، فكّر كويس في الإختيارات اللي تقدر تستخدمها واللي ممكن تجذب العميل المحتمل بشكل أكبر، فكر في المعلومات اللي لازم تبقى موجودة في الإعلان الممول اللي ناوي تنفذه، يعني أسلوب كتابة الإعلان copywriting يعتبر عامل في غاية الأهمية، ولازم يكون متقن بشكل كبير، خليك دقيقاً، واضحاً، موجزاً وهادفاً، ودي حاجة مش سهلة في نص إعلاني واحد عشان كده ركّز على الأسلوب الفعال مع جمهورك، ويساعدك على كسب انتباهه واهتمامه.
ونصيحة تانية :
لازم تخلي بالك من سياسات الإعلان الممول على وسائل التواصل الاجتماعي، إعرف أحجام البوستات وكمية الكلمات في النص اللي المسموح بيها، واللي يخص شعار علامتك التجارية عشان ما ترجعش تعيد الإعلان الممول لو كان فيه مشكلة.
- قيس النتائج اللي بتتحقق
الفايدة الأكبر من الإعلانات الممولة على الإنترنت هي إنه تقدر تقيس النتائج اللي بتحققها بشكل أسهل من طرق الاعلانات التقليدية.
تقدر تعرف معايير مختلفة منها:
- معلومات عن المواقع الإلكترونية اللي بيزورها العملاء المحتملين
- الخصائص ومواصفات الأشخاص اللي بيضغطوا على إعلانك الممول
- الوقت اللي بيقضوه في صفحة البيع الخاصة بيك Sales Page
- معدلات الضغط على الإعلان الممول، معدل فتح الإعلان وكذلك معدل الارتداد Bounce Rate يعني كام واحد زار موقعك وملقاش اللي بيدور عليه وساب الموقع
كل المعايير دي بتساعدك على اكتشاف النقط والجوانب الإيجابية والأخرى السلبية في إعلانك، بكده تستمر في التطور والتحسن.
الملف ده شامل استهداف كل محافظات مصر للى بيدور على المناطق وبيحتاجها فى الحملات الإعلانية
ده ملف جواها كل محافظة شامله كل المناطق اللى فيها
ممكن تحمله من هنا:
تعليقات
إرسال تعليق