 |
| كل ما تريد معرفته عن الدروب شيبنج (Drop Shipping) - عشوائيات |
العالم بعد كورونا نقدر نقول عليه مش هيكون زي العالم قبلها، الناس عرفت بجد قيمة وأهمية البيع أونلاين وإنك ممكن ما تنزلش من البيت بس تجيب كل متطلباتك وإحتياجاتك وإنت مكانك، وعشان كدة كان فيه شركات عالمية كتير قررت تقلل من عدد المتاجر بتاعتها الموجودة في الشارع وتهتم بالبيع على السوشيال ميديا أكتر زي ZARA.
معنى كدة إن اللي هيبيع اونلاين دلوقتي هيكسب كتير، وعشان تستفيد من كل ده حتى لو معندكش اي منتجات تبيعها او حتى اي رأس مال لازم تعرف يعني ايه Drop Shipping ؟
تعريف الـ Drop Shipping :
هو نوع من أنواع البيزنس الأونلاين، واللي بتقوم فيه بدور الوسيط، بين المشتري والبائع الأساسي.
طيب دورك كوسيط في مجال الـ Drop Shipping هتعمل ايه ؟
هتاخد المنتجات اللي تحبها من البائع الأساسي وتنشرها على صفحتك او الموقع الإلكتروني بتاعك واي اوردرات هتجيلك هتدخل على صفحة البائع الأساسي وتعمل بيها اوردر وهيكون عنوانه هو عنوان العميل اللي جالك، هيكون ليك مع كل اوردر نسبة وربح صافي كبير إنت اللي بتحدده مش حد تاني، حتى عملية الشحن والتسليم إنت مش هيكون ليك دخل بيها تماماً، بإختصار إنت عليك تجيب اوردرات والبائع الأساسي هيتصرف في كل حاجة وهيبعتلك ربحك في الآخر.
سمات ال Drop Shipping
عملية خفية
المشتري مش هيعرف الإتفاق اللي بينك كوسيط وبين البائع الأساسي، لإن المنتج هيجيله بشعار متجرك وكل حاجة بتدل على إن المنتج من عندك إنت.
تنوع المنتجات
هتقدر تعلن عن أكتر من منتج براحتك، وكل ما كانت المنتجات كتير كل ما هيكون البيع أكتر، على عكس لو كان عندك صفحة واحدة وبتبيع فيها منتج واحد هتحس بمعاناة كبيرة عشان تقدر توصل للجمهور المستهدف وتبيع ليه كمية كبيرة.
السهولة
الـ Drop Shipping بيتسم بالسهولة، والدليل على كدة كلامنا اللي قولناه فوق، هل شفت فيه اي مشكلة او اي عائق ؟
خالص طبعاً، وعشان كدة انتشر جداً الفترة دي وبقى فرصة كويسة لأي حد عاوز يكسب كتير ومن غير اي مجهود.
الأمان
بيتسم بالأمان التام على عكس لو كنت بتتاجر لوحدك واشتريت بضاعة بكل الفلوس اللي معاك وجيت تسوقلها معرفتش، ويبقى خسرت فلوسك، الـ Drop Shipping مش كدة خالص، إنت هتسوق بس ومش هتدفع جنية، وكمان متقلقش مش هتسوق على الفاضي لإن المنتجات هتبقى متنوعة وكتير وبكل تأكيد هتتم عمليات بيع كتيرة.
تعدد الفوائد
مش بس هتكسب فلوس كتير نتيجة الأرباح بتاعة الأوردرات، كمان هيكون ليك إسم في السوق ومتجرك هيتشهر وهيكون ليه زوار ومتابعين، وبالتالي لو حبيت تستغله في اي حاجة بعد كدة هيكون مفيد جداً وهيساعدك تستغله بأكتر من شكل.
المواقع اللي بتوفر خدمة الـ Drop Shipping
نصائح هامة للمبتدئين في مجال الـ Drop Shipping
- إختار البائع الأساسي اللي هتتعامل معاه بدقة شديدة عشان تضمن إنه أمين.
- إختار البائع الأساسي اللي بيعرض المنتجات بسعر منخفض عشان لما تحب تزود تزود براحتك عشان ربحك يبقى أكبر.
- اتأكد دايماً من البائع الأساسي إن المنتجات اللي بتعرضها على صفحتك لسة موجودة ومتوفر منها كمية عشان متبقاش بتعرض وبتبيع حاجة ملهاش وجود.
- في البداية قدم المنتجات بسعر مناسب ومش غالي اوي عشان تقدر تكسب زباين كتير.
- سوق للمنتجات اللي بتتميز إن جودتها عالية عشان تقدر تبيعها بسهولة وميحصلش عليها مشاكل بعد كدة.
- حاول تعمل عروض مميزة على صفحتك ومسابقات عشان تزود عدد المتابعين.
- بعد ما تختار بائع معين حاول تشتري منتج وتجربه قبل ما تبتدي تتعامل معاه بشكل فعلي.
- حاول تلاقي تجار في بلدك عشان تقدر تتعامل معاهم بسهولة عكس الأجانب
كورسات لتعلم الـ Drop Shipping
مرشد اكثر من رائع مقسم إلى 11 درس تقدمه منصة Shopify
كتاب مجاني متميز مقدم من منصة Oberlo
ما هو التسويق بالعمولة Affiliate Marketing ؟
هو من أشهر الطرق اللي بتساعدك تكسب بشكل كويس في مجال التجارة الإلكترونية، وهو نوع من أنواع الأنشطة التسويقية او الترويجية واللي بتقوم فيها إنت بدور المسوق، بحيث هتجيب للبائع ناس تشتري، وعلى كل اوردر هتاخد عمولة معينة يعني مش هيكون ليك اي علاقة بعملية البيع.
معنى كدة إن الـ Drop Shipping هتبيع فيه بنفسك وهتبقى إنت متصدر بس مش بشكل كلي لإنك مش انت اللي هتشحن المنتج، انت بس عليك تنشره على صفحتك ويكأنه بتاعك وكمان هتقدر تحسب الربح، على عكس الـ Affiliate Marketing هتكون مجرد بتجيب زباين للبائع الأساسي وهتاخد نسبة محسوبة في البداية بينك وبين البائع.
الخاتمة
الدروب شيبنج مجال جديد علينا بس اللي هيدخله مش هيندم لإنه هيجيب لك أرباح كتيرة وإنت في مكانك، كل اللي عليك تفهمه صح وتدرسه من كل جوانبه قبل ما تبتدي تدوس فيه، ولو نفسك تبتدي في مجال ال Drop Shipping هنساعدك في تاجرلي وهنقدملك الفرصة في إنك تكسب كتير ويكون عندك متجر بإسمك كل اللي عليك تتواصل معانا على صفحتنا على الفيس بوك.
تعليقات
إرسال تعليق