التسويق العكسي: لا تدعو العميل إلى الشراء منك! | عشوائيات

خطوات عمل الإعلانات الممولة - عشوائيات

 اعرف ازاي تعمل إعلانات ممولة بكل سهولة

فيه ملايين بيستخدموا السوشيال ميديا وبتطلع قدامهم مئات الإعلانات في الدقيقة الواحدة يمكن أكتر، تخيل بقى فرصة وصول المنتج بتاعك للعميل المستهدف قد ايه ؟ ضعيفة جداً طبعاً، الإعلانات الممولة بقى بتقدر توصل المنتج بتاعك للعميل المستهدف على طبق من دهب زي ما بيقولوا، عشان كدة لازم تهتم بعمل الإعلانات الممولة لو عاوز تنجح وتجيب أرباح كتير في مجال التجارة الإلكترونية.

• حدد جمهورك المستهدف target audience وخصائص عميلك المثالي persona

هتحتاج تحدد الإستراتيجية اللي هتضمن لك التعرف على جمهورك اللي عاوز تشد انتباهه بإعلانك عشان يزور صفحتك، غير كده ممكن تصرف من غير عائد، عشان تضبط الإستراتيجية، مهم تعمل اللي جاي ده:

• تحديد جمهورك المستهدف
• تحديد مواصفات العميل المثالي الملائم لشراء منتجاتك.

الجمهور المستهدف :

مجموعة من الناس أو شريحة من شرائح السوق تستهلك أو ميالة لإستهلاك منتَجك، لما تجمع معلومات عن جمهورك المستهدف، لازم تجمع معلومات متعلقة بالفئة العمرية، الطبقة الاجتماعية، الموقع الجغرافي، النوع وغيره.

العميل المثالي لمنتجك (الإيديال بيرسونا)

ده عبارة عن تشخيص لعميل محدد، و يعتبر جزءاً من جمهورك المستهدف، لما تحدد خصائص الـ persona لازم تحدد لها اسم وهمي ، العمر، المهنة، الهوايات وكذلك المشاكل التي بيعاني منها العميل المثالي، عشان تكتشف الجمهور المستهدف  و الـ persona لازم تجمع البيانات عن طريق حوارات مع الناس، بحوث السوق market research وبما إنك في البداية لسه فتقدر تتكلم مع أصحابك ومعارفك والناس اللي استهلكوا منتجات مشابهة للي بتبيعه.

قسّم الجمهور لشرائح وأقسام

من خلال الإعتماد على المعلومات اللي جمعتها عن الجمهور المستهدف و persona، هيبقى عندك أساس واضح لتقسيم الإعلان الممول بالشكل المضبوط، وبالتالي الوصول إلى الأشخاص المناسبين والأكثر استعداداً لإستهلاك وشراء اللي بتقدمه.

كل أدوات الإعلانات الممولة على الانترنت فيها اختيارات مختلفة لتحديد الجمهور المستهدف، وده اللي بيخليها فعالة ومجدية من الناحية التجارية، الاختيارات بتشمل كمان المكان اللي بيتم منه قراءة الإعلان، لغة المستخدم، العمر، الأجهزة اللي بيتم استخدامها لعرض الإعلان، وغيرها من الخيارات.

اختار الأداة التسويقية

كل وسيلة تواصل ليها أدواتها الخاصة لإعداد الإعلانات والتسويق للبوستات، الأدوات هي Facebook Business ، الأداة Twitter Ads  وعلى لينكدان نستخدم الأداة  LinkedIn Ads

ولكل منصة تواصل خصائصها المميزة وعشان تعمل استراتيجية فعالة ركز على المنصات المناسبة لطبيعة منتجك وجمهورك موجود عليها.

نصيحة مهمة: استخدم أسلوب تجديد النشاط التسويقي أو إعادة التسويق  Remarketing

استراتيجية مفيدة جداً وهتساعدك في الوصول للناس الي زاروا موقعك الإلكتروني قبل كده، استراتيجية تتميز ببساطتها، وقايمة على إعادة عرض الإعلان الممول قدام نفس الشريحة المستهدفة من الجمهور، الهدف منها تذكير العميل المحتمل بالمنتج

ساعات بتدخل موقع معين للشراء، و تخرج منه من غير ما تشتري، وتلاحظ ظهور إعلان لنفس الموقع اللي كنت فيه على فيس بوك أو إنستجرام؟ هو ده إعادة التسويق.

 حدد الميزانية

الميزانية بتعتمد على الهدف اللي عاوزه ومتوقعه من كل حملة إعلانية، سواء عمل معرفة بالعلامة التجارية عند الجمهور، أو تجيب حركة زيارات إلى موقعك الإلكتروني/المدونة، كسب متابعين أو تحقيق المبيعات.

لو نفذت جميع المراحل والخطوات اللي شرحناها لحد دلوقتي، هتعرف كويس المدة اللازمة للحملة الإعلانية عشان تحقق الهدف منها، وكمان تحدد مبلغها، لو كنت لسه بتتوقع وتجرب سلوك الجمهور، إبدأ برصد ميزانية متواضعة وزود المبالغ المستثمرة بناءً على أداء الحملة.