التسويق العكسي: لا تدعو العميل إلى الشراء منك! | عشوائيات

 

من الآخر كده الفيس بوك مش عايزك تسيب المنصة بتاعته وعاوز يواكب التطور الهائل للتجارة الإلكترونية فحتى لو مش بتبيع في صفحة أو جروب تقدر تبيع بشكل فردي على الماركت بليس، المنتجات بتتعرض عليه حسب التوزيع الجغرافي يعني لو أنت بتبيع عليه وموجود في القاهرة منتجاتك هتظهر للمستخدمين اللي موجودين في العاصمة وهكذا.

تقدر توصله من الديسك توب أو الموبايل من الأيقونة الخاصة بيه، والمفاجأة إن الفيس بوك عامل الخدمة دي مجانية.

تعريفه بشكل أدق

هو منصة للتواصل بين البايع والمشتري بس من غير وساطة دفع أو توصيل، كمان فيه إختيار التقييمات عشان يساعد المستخدمين ميكونوش ضحية لأي نصب وفيه امكانية التبليغ عن المنتجات المخالفة وعن الحسابات المزورة أو اللي بتحاول تتحايل وتنصب على الجمهور.

مكونات الماركت بليس وشرحه:

1- Search (بحث)

من خلالها يمكن للمشتري البحث عن المنتجات اللي عاوز يوصلها، مثال: (تيشرت رجالي).

2- Browse (تصفح)

من خلال الجزء ده ممكن ترشيح النتائج وفقاً لخمس متغيرات:

Groups (المجموعات)

عشان تظهر بس المنتجات المعروضة في المجموعات اللي المشتري عضو فيها.

 

Shops (المتاجر)

عشان تظهر بس المنتجات الخاصة بالمحلات الإحترافية (ميزة جديدة بـتتيح إمكانية البيع لأصحاب البيزنس، بس غير متاحة في كل الدول حالياً)

Buying (الشراء)

عشان تظهر المحادثات اللي بدأتها بخصوص أي منتج.

Selling (البيع)

عشان تظهر المحادثات اللي بدأها معاك المهتمين بشراء منتجاتك اللي عارضها للبيع.

Saved items (العناصر المحفوظة)

عشان تظهر لك المنتجات اللي عملتلها save قبل كده (لما تحدد منتج هتظهر قدامه أيقونة عشان تعمله save وترجعله في أي وقت بعد كده).

 

Sell something-3 (بيع شيء)

بالضغط عليه تقدر تبدأ تنزل منتجاتك الأول وتبقى متاحة على فيس بوك ماركت بليس.

4- Reset (إعادة الضبط)

من خلالها تقدر تلغي ترشيح منتج عملته مثلاً لو حددت ترشيح على أساس السعر وعاوز إلغاءه دوس على Reset.

تحديث: هذا الزر لا يظهر الآن، ولكن يمكنك بشكل يدوي إلغاء أي ترشيح قمت بعمله بنفسك.

5- Price (السعر)

ترشيح النتائج وفقاً لمعدل أسعار معين مثال: من 500 الي 1000 جنيه مصري، أو إختيار المنتجات المجانية بس.

6- Location (الموقع)

فيس بوك هيحدد مكانك الجغرافي أوتوماتيك، بس تقدر تعدله، وتقدر تحدد النطاق بالكيلو متر.

7- Category (الفئات)

من خلالها تقدرترشح النتائج وفقاً لتصنيفات محددة للمنتجات، زي ملابس أو سيارات، وبالمناسبة تحت كل تصنيف فيه تصنيفات فرعية تقدر تختار منها لترشيح النتائج بشكل أدق.

في النص وتحت شريط البحث هتلاقي قائمة بالمنتجات المعروضة حسب مكانك الجغرافي، وحسب الترشيحات اللي اخترتها.

نصائح هامة للربح الحقيقي : 

• اكتب اسم المنتج بدقة وخليه مختصر وواضح مثلاً لو عاوز تبيع ايفون، أكتب اسم الإصدار وحجم الميموري وحالة الجهاز جديد ولا مستعمل.
• اختار صور بجودة عالية وأكتر من صورة من زوايا مختلفة وتكون موضحة شكل وحجم المنتج بطريقة كويسة.
• اهتم بالرد على الرسايل اللي هتجيلك سريعاً عشان ده مؤشر على الجدية والمصداقية ورد بأسلوب جيد.
• اشترك في جروبات الشراء والبيع اللي موجودة بمحافظتك ولما تضيف منتج ضيفه في الجروبات دي وتابعها واتفاعل مع المنشور فيها واعمل لنفسك براند شخصي فيها.