آخر معرفتنا بالواتس اب هو إننا بنبعت لبعض رسايل عليه، او نغير الصورة الشخصية او ننشر ستوري، ولو فاكر إن ده آخر اللي هيقدمهولك يبقى إنت نايم في العسل، لإن الواتس اب ممكن تكسب منه وتتاجر عليه وتعيش ملك بمعنى أصح.
أهم إحصائيات الواتس اب
- سجل عليه في 2018 أكتر من 1500 مليون مستخدم، من هنا تستنتج أن واتس اب أداة تسويقية ممتازة لعدة أسباب منها إن مستخدميه من جميع الأعمار والشخصيات والحالات الاجتماعية والإقتصادية، و بالتالي هتقدر تبيع عليه منتجك مهما كان.
- حوالي 70% من مستخدمي واتس اب يستخدمون التطبيق بشكل يومي.
- كل يوم يتم ارسال أكثر من 65 مليار رسالة من خلاله.
ليه تستخدم الواتس آب في التسويق ؟
- أسباب كتير تخلي WhatsApp جزء من أدواتك التسويقية وبالذات لو حد مبتدىء لإن استخدامه بيحقق امتيازات كتير لإنه مجاني وبيخليك توصل لعدد كبير من الأشخاص، و بكده هتكون متأكد من تواصلك مع جمهورك المستهدف.
- زيادة على كده، بيديك فرصة التواصل مع عملائك مباشرة وفي الوقت الحقيقي دي ميزة مهمة جداً بخصوص التعرف على آراء جمهورك (على سبيل المثال من خلال الإستطلاعات) أو التعبير عن اهتمام البيزنس بتاعك بيهم.
- من ناحية تانية،الواتس اب أداة قوية لنشر مقترحاتك والأخبار وكذلك العروض و بيسمح لك كذلك تبعت قائمة مصورة من منتجاتك وكتالوجات ومقاطع فيديو وتسجيلات صوتية ولينكات وجميع أنواع المعلومات اللي تخص منتجاتك؛ و بكده بسهولة هتبقى كل المعلومات في إيد عميلك.
- تقدر كمان تعمل جروبات توصل لـ 256 عضو، ودي فرصة مثالية تعمل استطلاعات مباشرة ودراسات جماعية تركز على عادات وتفضيلات العملاء، والجروبات برضه أداة مثالية لتنظيم الإيفنتات مع عملائك ومع موظفي شركتك أو فريق شغلك.
5 نصايح لأقصى استفادة من التسويق على الواتس
خدمة عملاء فورية
الواتس اب طريقه تقدر تساعد عملائك وتحل مشاكلهم في الوقت المناسب، سواء عن طريق المحادثة أو المكالمات الصوتية أو مكالمات الفيديو، وبكده مش هتحسن جودة خدمتك بس لكن كمان هتكسب ولاء جمهورك من خلال الإجابة الفورية و توفير حلول شخصية.
2- استفيد من قوة المجموعات على واتس اب
عن طريق الإستفادة من التفاعل الجماعي للعملاء وبكده هتدرس جمهورك بشكل مثالي وهتلاقي معلومات مباشرة لدراسة السوق اللي عاوز تشتغل فيها وبالتالي، فالمجموعات مثالية لمعرفة رأي الجمهور بخصوص إطلاق منتجات جديدة وكمان تقدر تعرف العملاء اللي ليهم طلبات محددة عن طريق المجموعات دي وبعدها تبدأ تتابع معاهم بشكل شخصي.
3- خلي رسايلك التسويقية غنية واستفيد من مميزاته
حاول استخدام الخط المايل والخط الغامق كطريقة لتوضيح المعلومات التسويقية الخاصة بيك، من المفيد جدًا برضه تدعيم رسايلك بإستخدام ملفات الفيديو وملفات GIF والصور واللينكات ومتنساش الإيموشنز عشان تضفي روح للكلام.
4 – حافظ على جودة رسايلك عشان تحافظ على اهتمام جمهورك
أرقام موبايلات عملائك معاك يعني ثقة منهم فيك وبالتالي إحرص على الجودة والإحترام في كل تواصلك معاهم، عشان كده ننصحك تكون كل رسائلك كالتالي:
- مُلخصَّة
- واضحة
- متعلقة بالموضوع
- من غير غلطات إملائية
بالإضافة لكدة ، من المستحسن جدًا تبعت رسالة واحدة فيها فقرات مختلفة، بدل جمل منفصلة لإنها بتبقى مزعجة جداً، وكمان عشان الإشعارات متضايقهمش
5 – حقق أقصى استفادة من الواتس آب
خلي الصورة الشخصية معبرة عن نشاطك التجاري او اللوجو الخاص بيك، لو هتعرفهم مكان الإيفنت ابعتلهم اللوكيشن عن طريق خدمة جوجل ماب، استخدم الستوريز ودي بتفضل 24 ساعة معروضة وبعدين بتختفي، ومن الحاجات المهمة هنا إن العملاء مش هيتضايقوا لإن الستوريز مش هيعمل صوت إشعار، ده هما اللي هيدخلوا ويتفرجوا.
تعليقات
إرسال تعليق