التسويق العكسي: لا تدعو العميل إلى الشراء منك! | عشوائيات

 

اكسب عن طريق تويتر في مجال التجارة الإلكترونية - عشوائيات

تويتر ابلكيشن مهم جداً وممكن تكسب منه فلوس كتير لوعرضت منتجاتك عليه، بس هنا لازم تعرف إنه مش اي بضاعة هتتعرض هتتباع، ده لازم منتجات معينة ولأشخاص معينة وفي أماكن معينة كمان، وده عشان فئة الناس اللي موجودة على تويتر مثقفة ومتعلمة وكمان العرب أكتر إنتشار على تويتر من المصريين، بالتالي لو كان منتجك غالي وبيستهدف الخليج هتقدر تبيع كويس جداً جداً.

إعداد الملف الشخصي (Profile) على تويتر

تويتر زي أغلب مواقع التواصل الإجتماعي، الملف الشخصي فيه مهم جداً و بيحدد إذا كان حسابك يستحق المتابعة والإهتمام من الجمهور اللي بتستهدفه ولا لا، عشان كده لازم تهتم بيه بدرجة كبيرة.

ودول أهم ثلاثة عناصر خاصة بحسابك على تويتر:

1- اسم الحساب الخاص بيك على تويتر

نقطة مبياخدش باله منها ناس كتير على تويتر لإنه مختلف عن إسم المستخدم، اسم المستخدم هو الإسم اللي بتختاره عند بداية التسجيل، ومهم يبقى مختلف، عشان مش بتقدر تغيره عكس اسم الحساب ممكن تغييره في أي وقت، ولازم تختار اسم مستخدم أقرب ما يكون لموقعك أو لشركتك او صفحتك عشان يقدر باقي مستخدمين تويتر يتعرفوا عليك بسهولة.

2- صورة الملف الشخصي على تويتر

أمر بسيط جداً، استخدم نفس صورة اللوجو الخاص بموقعك أو شركتك، أو استخدم صورة شخصية احترافية بخلفية واضحة، تحقق انطباع احترافي لكل اللي يزور حسابك.

3- السيرة الذاتية (Bio) على تويتر

تويتر بيسمح لك بـ 160 حرف فقط في وصف الحساب الخاص بيك، فإختار الوصف اللي هتكتبه بعناية.

طبيعة المحتوى على تويتر 

يُفضل المحتوى الجديد والأخبار الحصرية، عشان 71% من مستخدمين تويتر بيستخدموه لمعرفة الأخبار والمعلومات الجديدة.

حدد هدف واضح  للمحتوى الخاص بيك

نقطة مهمة جداً لأي مسوق، إنك لازم تحدد ايه هو الغرض من المحتوى؟  ايه اللي عاوز جمهورك يعمله بعد متابعة المحتوى؟ عاوز ترافيك بس؟ عاوز عملاء محتملين (Leads)؟ تكون عدد أكبر في القائمة البريدية الخاصة بيك؟

حدد المطلوب من البداية، وقيس النتائج عشان تتأكد من مدى فاعلية المحتوى الخاص بيك أو طريقة التسويق على تويتر اللي اشتغلت بيها.

التغريدة المثالية

عشان تعمل تغريدة ناجحة لازم تعرف إن تويتر بيسمح لك بـ 280 حرف بس في كل تغريده، فلازم تختار كلماتك بعناية شديدة، ولو مضطر جزأ المحتوى الخاص بيك على تغريدات متتالية  او حط باقي الكلام على الصورة.

غرّد في أفضل الأوقات، وده هتعرفه عن طريق تحليلات تويتر اللي بتعرفك أفضل الأوقات اللي موجود فيها متابعينك، ولكن بشكل عام حاول تكتر من التغريدات في أيام الأجازات الرسمية.

استخدم الفيديو بشكل أكبر، وحسب تويتر الفيديوهات بتزود من التفاعل 10 مرات أكتر، و الصور بتزود من التفاعل ضعفين التغريدات اللي من غير صور خصوصاً الصور المتحركة (GIF).

إزاي تدور على المؤثرين على تويتر

المؤثرين دول ناس معروفين ومشهورين وبيتابعهم جمهور عريض وبيثق في كلامهم، وبالتالي ممكن يروجوا المنتج بتاعك ويخلوه ينتشر بدرجة كبيرة، عشان كدة لازم تدور عليهم عن طريق الأدوات دي :

• أداة NinjaOutreach: بتعرفك أشهر المؤثرين في أي مجال، ابحث بالموضوع أو المجال اللي مهتم بيه، وهي هتتكفل بالباقي.
• أداة Buzzsumo: لما تدور على موضوع معين، الأداة دي بتستخرج أشهر المقالات اللي اتنشرت على مواقع التواصل الاجتماعي في الموضوع، وتقدر تعرف الحسابات اللي نشرت المقالات بكل سهولة على تويتر ومنها تعرف المؤثرين في مجالك نشروا ايه.
• البحث في التغريدات: لما تلاقي أي تغريدة عليها تفاعل كبير- عدد كبير من الاعجابات وإعادة النشر (Retweet).